Tarama Velaka Ia Jesu Kristo I Karo Go Jon 13:1 - Vato Vari Vakameka Voru Ia Batu Ne

¹ Bakubaku na to tina musaqara kelo na Pasova ne. Gonae Jesu i rove ṉalu ia tina kasi nego kolabana pua dena, mana tina gado ule za de ikoego Tamana, i lama garogaro to. Jesu i mamaligara taru bana ne qira so basoero tavine ia, iri koego vudu pua dena, i mamaligara ne qira go za doka so ṉalu ia i le go.

Tarama Velaka Ia Jesu Kristo I Karo Go Jon 13:1 ပူးပေါင်းရင်းမြစ်များ

Matiu 26:45

Goto nae i ule za de iri koego ria tarapisa ne, i sine ne qira, “Avigo qamu ara kamuku mana ziṉo so go? Mia, ṉalu tarina palava era Tuna basoe mana vazao ve karaputa ria vano vasakata pata, i lama doka to.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Luka 22:53

Era qako tavisi qamue ramu loborona Pade Lotu ne nogotona musaqara, do qamuki nanao kaega palava era. Do ṉalu ramu to dena, tanego i kenaqa ne qamu karaputa ia rodoko.”

Luka 9:51

I lama garogaro to ṉalu God tina pala vaule zaqe rani ne Jesu, ia ivanadua nanao na mana i tasibaka za Jerusalema.

Tarama Velaka Ia Jesu Kristo I Karo Go Jon 11:55

I garogaro to musaqara kelo na Pasova, topu sasakata basoero iri zae Jerusalema, go tarina za vadalo tokama qira de ikoego God.

Tarama Velaka Ia Jesu Kristo I Karo Go Jon 12:23

Do Jesu ivataule ne qiru, igo, “I dokae to ṉalu, basoero ne tarina mia rove Tuna basoe ne i kone karaputa mazala.

Tarama Velaka Ia Jesu Kristo I Karo Go Jon 13:29

Jiudas ne, iato valeke i miasoka go kesa ria ne. Iago disipoloro ne iri nanao Jesu i sine ne Jiudas, go mara za volia kakiaro pata go tarina vazazua ze go musaqara lavata nae, ba, na za teke ne qira kakiaro pata vano iri situ go.

Tarama Velaka Ia Jesu Kristo I Karo Go Jon 13:3

Jesu i rove, osina karaputa, Tamana iteke lupo ne ia, mana irove napua, tanuna ireqe me de ikoego God, mana tina ule napu za de ikoego God go.

Tarama Velaka Ia Jesu Kristo I Karo Go Jon 13:34

Ninidena qa teke ne qamu tamana voru, muna vari mamaligarae gere era qa mamaligara ne qamu go, iago muna vari mamaligarae.

Tarama Velaka Ia Jesu Kristo I Karo Go Jon 14:28

Ramu qamu gata, era qa sine bana, ‘Era tuna zaza do tunara ule napu me de qamu koego go!’ Ṉalu qamu mamaligara nava era, ramu tamuna kula, tanego era qa zae de ikoego Mamae, tanego Mamae i kenaqa nava era.

Tarama Velaka Ia Jesu Kristo I Karo Go Jon 14:31

Iago basoero na vudu pua dena, mara rove era qa mamaligara ne Mamae, mana qa va voto lupo to pataro i sine nava go Mamae. Degere, mata siporo kasi ne pade dena.”

Tarama Velaka Ia Jesu Kristo I Karo Go Jon 16:28

I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”

Tarama Velaka Ia Jesu Kristo I Karo Go Jon 17:1

Ṉalu Jesu i sine lupo pataro dena, i kadeka qe rani ne mana i pepene, igo de, “Mamae, ṉalu ne i lama doka to, vasadaka ze karaputa mazala aro de ikoego Tumu, go Tumu tina vasadake karaputa mazala aro.

Tarama Velaka Ia Jesu Kristo I Karo Go Jon 17:16

Gerena era qaki keana kaega vudu pua dena, ria do iri go napu so.

Tarama Velaka Ia Jesu Kristo I Karo Go Jon 17:26

Qa vatatana bana qira go tarina rove go aro, mana tuniki noto ne kaega vatatana qira go, iato zuka dena to, ria tarina mamaligara ne qira kerone basoero gerena aro qo mamaligara nava era mana era tuna koe de iri koego.”

Tarama Velaka Ia Jesu Kristo I Karo Go Jon 17:5

Mamae, ninidena qa soko mo vasadake karaputa mazala era, i ko nava go torana qa kotavisi go, ara kaebo zari i vaego kolabana pua dena.

Tarama Velaka Ia Jesu Kristo I Karo Go Jon 18:4

Jesu i rove bana osina pataro tina doka go, iago i za soba qira mana i tana ne qira, igo, “Akena tane qamu taqia go na?”

Tarama Velaka Ia Jesu Kristo I Karo Go Jon 19:28

Taramuzina nae Jesu i rove osina zazu ia ivalupo to. Mana go tina voto go seko na Buka tabo ne, ia igo, “Era qa kaṉoso!”

Tarama Velaka Ia Jesu Kristo I Karo Go Jon 2:13

I garogaro to doka na ṉalu vano Jiu tarina teṉo ne sauna nanao taru na, ṉalu God i vasiporo kasi ne qirae Izipito vanovano bana ria, iri vitoṉo ze Pasova, iago Jesu i zae Jerusalema.

Tarama Velaka Ia Jesu Kristo I Karo Go Jon 6:4

Torana ṉalu nae ne, igarogaro to musaqara kelo na Pasova ria vano Jiu.

Tarama Velaka Ia Jesu Kristo I Karo Go Jon 7:30

Ṉalu Jesu i sine seko dena, basoero iri soko pala na ia, do kaega so kakia i siba go, tanego ṉalu ia iara kaebo doka.

Tarama Velaka Ia Jesu Kristo I Karo Go Jon 7:6

Gonae Jesu i sine ne qira, “Ṉalu era iara kaebo lama doka, do ramu osina to ṉalu i velaka ne qamu so.

Tarama Velaka Ia Jesu Kristo I Karo Go Jon 8:20

Jesu i sine ze pataro dena vari vatatana i vaego Pade Lotu ne, loborona kova ikoego bokese iri vanavana ze kesa basoero ne. Do i kaega so ka basoe i pala go ia, tanego ṉalu ia iara kaebo lama doka.

Leta Ia Pol I Karo Ne Qira Basoero Na Rom 8:37

Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Kameka Korinti 1:8

Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.