Tarama Velaka Ia Jesu Kristo I Karo Go Jon 12:50 - Vato Vari Vakameka Voru Ia Batu Ne

⁵⁰ Mana qa rove, Tamana dena, i valame too iki rove go kaega lupo. Iago pataro qa sine go ne, Mamae so i sine nava go.”

Tarama Velaka Ia Jesu Kristo I Karo Go Jon 12:50 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 5:19

Iago Jesu i vataule ne qira, “Ma sine ne qamu pata ogoto. Tuna God i makuru tina zazu ne pata i soko go tanuna, do tina zazu neso pata i mia ze Tamana i zazu nego. Pataro izazu nego Tamana, Tuna, tina zazu napu neso go.

Tarama Velaka Ia Jesu Kristo I Karo Go Jon 6:63

Spirit tabo ia God i sosovolomo nego too, karaputa ia basoe i makurua. Iato go sekoro era i va mazala qamue ramu toṉove na Spirit tabo i soso nego too.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Tarama Velaka Ia Jesu Kristo I Karo Go Jon 8:28

Iago i vane qira dena, “Ṉalu tamuna vaidoko ve era Tuna basoe koluse ne, ramu tamunara rove, ‘Era To Qa Basoe Qa Ko Osina Ṉalu.’ Mana tamuna rove napua era qaki zazu ne kaega pata i lulua go nanaoqu tanuqu, do qa sine so pataro iva tatana ve Mamae.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.