Tarama Velaka Ia Jesu Kristo I Karo Go Jon 12:48 - Vato Vari Vakameka Voru Ia Batu Ne

⁴⁸ Ṉalu ka basoe i sila va era, mana iki toqe ne kaega taramaqu era gogo ne, kaki kameka pata so tina zazu ne ze go vivine ia basoe nae, iato sekoro qa seko nego dena, tina za vivine nego musaqara muzimuzi!

Tarama Velaka Ia Jesu Kristo I Karo Go Jon 12:48 ပူးပေါင်းရင်းမြစ်များ

Matiu 10:15

Masine ne qamu pata ogoto, ṉalu na musaqara varitanae ia God, kimata tarina pala go basoero na komala nae tina sivala ne kimata ria vano na komala Sodom mana Qomora.”

Matiu 21:42

Jesu i sine ne qira, “Avigo qamuki toere so kaega pata i sine go Buka tabo ne? ‘Ipaka iriki soko go kaega vano zazu pade ne, iato i ipaka mazala sivala go. Pata dena to i zazu ne God, mana i lete mimia velake mata qita ita go.’

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Maka 12:10

Pata ogoto, ramu qamu toere to Buka tabo ne mana qamu mia to ni sine go, ‘Ipaka iri kasia go vano zazu pade ne, iato ipaka i lete mazala sivala ne qira go osiqira ipaka ro ne.

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Maka 8:31

Gonae Jesu i vatatana qira disipoloro ia igo, “Era Tuna basoe tuna pala vokara tanego tariniki soko ava kaega. Ria to vano kazigarata ro, vano batu ria patere ro, vano vari vatatana na tamana go. Ria to nae tarina vae vale ava, do taramuzina kapisa musaqara era tuna too napu me tepa le ne.”

Luka 10:16

Jesu i sine ne qira disipoloro ia, “Ka basoe igata qamu ramu, i gatava era. Ka basoe iki soko qamu kaega ramu, iki soko ava kaega era. Mana ka basoe iki soko ava kaega era, iki soko kaega ia ituri nava me era.”

Luka 17:25

Do kenaqana ne ia tina pala vokara mana ria basoero dena tariniki soko kaega ia.

Luka 20:17

Do Jesu i reṉa vale ne qira, mana i tana ne qira, “Do avana to tane i talupase go seko ro dena ni koego Buka tabo ne, ‘Ipaka iri soko go kaega vano zazu pade ne, iato ipaka ni lete mazalae go pade ne.’

Luka 7:30

Do vano Parisio mana vano tarove na tamana, iriki soko kaega za bapitemae de ikoego Jon, tanego iriki soko kaega vatovato velaka ia God.

Luka 9:22

I sine napu ne qira, “Era Tuna basoe tuna lete vokara, tariniki soko ava kaega vano kazigarata ro, batu ria Patere ro mana vano tarove na tamana, tarina vae vale ava, do taramuzina kapisa musaqara era tuna too napu me.”

Luka 9:26

Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Tarama Velaka Ia Jesu Kristo I Karo Go Jon 5:45

Muniki nanao ramu era tuna degere tarakenaqana Mamae mana sine, ramu qamu kebu. Do Mosese valeke qamu vaogote go tina tavisi ne qamu go, iato tina sine go ramu qamu kebu go.

Tarama Velaka Ia Jesu Kristo I Karo Go Jon 6:39

Mana pata i soko go Mamae ne, era na miasoka vavelake, niki go varore kakia basoero i teke bana nava go. Do ṉalu musaqara muzimuzi era tuna va too qira.

Tarama Velaka Ia Jesu Kristo I Karo Go Jon 8:47

Basoero iri ke iago God, iri gata sekoro ia, do ramu, qamuki ke ia kaega God, iato go qamuki soko go kaega gatana ia.”

Zazu Ria Apostoloro 17:31

Tanego God i vine bana kameka musaqara tina zazu nego varitanae ia de iri koego basoero na kolabana pua ne. Tina zazu ze loborona totoloṉo. Ia tina vazazua kameka basoe i vine bana go, basoe nae to Jesu, mana i vasadaka velaka bana ne qita go, tanego i vatoo bana ze ia tepa le ne.”

Zazu Ria Apostoloro 3:23

Ka basoe iki vaogote go kaega propeta nae, God tina taru va kakavata ze ia de iri koego basobasoero ia, mana tina vasakate ia go.’

Leta Ia Pol I Karo Ne Qira Basoero Na Rom 2:16

Iago zazao na Tarama velaka qa tarama ne go era dena, tina voto ṉalu tina doka go musaqara muzimuzi ṉalu God tina varitanae ne go nanao pipika ria basoero ne de ikoe go Jesu Kristo.

Karua Korinti 4:3

Ṉalu go Tarama Velaka qi tarama ne i pipika, ianae i pipika ne qira so vano iri rore go.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Iburu 10:25

Iki velaka kaega tatana vana nego kameka teṉomana pepene go, gere qira kakiaro basoero iri kogo, osina ṉalu mata ko vari gatagata go nanaoqita tina karaputa go, tanego qamu mia musaqara ia Batu ne, i lama garogaro to.

Iburu 12:25

Iago muna miasoka, muniki kasia gata na seko ia God, ria iri kasia go gata na seko ireqe me de ikoego God, i makuru tarinara paqa go. Iago, avigo tatana paqa ne go lepulepu, ṉalu qata tabali kakamu ne ia, ṉalu i seko me tepa rani na?

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 4:12

Seko ia God i koe too mana i zazu go, i lete sivala ne zogotona pegi varitara i zogoto go karua rikisina. I mazala zugu zana loborona de iru vari sobae madau mana spirit, mana de iru vari siba varikama e go uri mana manu go. Seko ia God i mazala vine na nanao ia basoe, mana pataro i soko go basoe go.

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Karua Pita 3:3

Pata kenaqa, ramu muna nanao tarua ṉalu musaqara muzimuzi tina za sadaka me, kavia ro basoe iri too ego soko na vasakatena tokama qira, tarina va kari ne qamu.

Karua Pita 3:7

Do rani mana pua iru ko doka ninidena, God i pala taru ze so seko ia go tina lama doka qiru go nako tina subi qiru go. Rani mana pua iru vanama ne so ṉalu musaqara muzimuzi, God tina varitanae nego basoero sakata iri legulegua go, go tina pero vanaqe qira go.