Tarama Velaka Ia Jesu Kristo I Karo Go Jon 12:26 - Vato Vari Vakameka Voru Ia Batu Ne

²⁶ Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Tarama Velaka Ia Jesu Kristo I Karo Go Jon 12:26 ပူးပေါင်းရင်းမြစ်များ

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Maka 8:34

Taramuzina nae Jesu i koru me qira basoero topu ne mana ria disipoloro ia de ikoego igo, “Ṉalu kaki basoe i soko go lulu ava era, ia tina vaqoqore tanuna mana pala koluse ia osina musaqara mana lulu ava era, go tinara disipolo ogoto era go.

Luka 12:37

Vano zazu ne iri lete kula ṉalu batu ria i lama mia qira go, iri dogara mana vanama taru ne ule na ia. Ma sine ne qamu pata ogoto, ia tina ozuke roku ia mana va koloku qira ria mana tina zazu ne qira.

Luka 6:46

Jesu i sine napua, ‘Avigo tane qamu koru ve era, ‘Batu, Batu,’ do qamuki zazu ne kaega pata qa sine ne qamu go era?

Luka 9:23

Mana i sine napu ne qira, “Ṉalu kaki basoe i soko lulu ava era, ia tina va qoqore tanuna mana pala koluse ia osina musaqara mana lulu ava era.

Tarama Velaka Ia Jesu Kristo I Karo Go Jon 10:27

Sipi ro era, iri gata seko ro era, era qa rove qira, mana iri luluava go,

Tarama Velaka Ia Jesu Kristo I Karo Go Jon 13:16

Ma sine ne qamu pata ogoto, basoe zazu iki sivala ne kaega batu ia, mana basoe palapala seko iki sivala ne kaega, basoe ni turi nego.

Tarama Velaka Ia Jesu Kristo I Karo Go Jon 14:15

“Ṉalu qamu mamaligara nava era, ramu tamuna lulua tamana ro era.

Tarama Velaka Ia Jesu Kristo I Karo Go Jon 14:3

Taramuzina tuna za vanama lupo ne qamu de gogo ne, era tuna ule me mana lama lulu qamu, go tamuna garetu koego de qa reqe mego.

Tarama Velaka Ia Jesu Kristo I Karo Go Jon 15:20

Nanao tarua seko qa sine bana ne qamu go, ‘Basoe seka iki sivala ne kaega batu ia. Ṉalu iri vasasakata nava era, ria tarina vasasakata napu ne qamu go, ṉalu iri lulua vari vatatana era, ria tarina vaogoto qamu ramu go.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 21:22

Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”

Leta Ia Pol I Karo Ne Qira Basoero Na Rom 1:1

I Era Pol kameka basoe zazu ia Jesu Kristo, mana qa kameka apostolo God i vine ava mana i koru ava go tuna tarama ne Tarama velaka ia.

Leta Ia Pol I Karo Ne Qira Basoero Na Rom 14:18

Ka basoe i zazu ne zego Kristo vatovato dena, ia iva kula God, mana tina va kula napu qira basoero iri zazu ne go.

Karua Korinti 4:5

Tanego remu qiki tarama ne kaega tanuqemu, do qi tarama ne Jesu Kristo i Batu go, mana remu qi vano zazu ra ramu, tanego i sauna Jesu.

Karua Korinti 5:8

Ita i ko ne qita karaputa mana qata lete soko tatana kasi ne pade ikoego tokama qita mana tatana za koe pade ia Batu ne.

Qalesia 1:10

Zazaona pata dena era ma vakula basoe qa go ba? Kaega! Pata qa soko go era, go ma vakula God qa go. Ba qamu nanao, go basoero ne mara vazakava qa go? Kaega! Ṉalu tina gogo nae, era qaki basoe zazu ogoto bana ia kaega Kristo go.

Pilipae 1:23

Era qaki rove kaega ade ke tuna lulua go, do era qa lete soko, ma kasi ne too dena mana ma ko tavise Kristo, iato i pata velaka sivala go.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Kameka Jon 5:3

Tanego vaogotona mamaligara ita de ikoego God ne ina za sadaka me luluna tamanaro ia. Mana tamanaro ia iriki lete makuru qita kaega luluna.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.