Tarama Velaka Ia Jesu Kristo I Karo Go Jon 12:20 - Vato Vari Vakameka Voru Ia Batu Ne

²⁰ Kakiaro vano Qrik go, iri zae Jerusalema sauna pepene ṉalu na kelo de.

Tarama Velaka Ia Jesu Kristo I Karo Go Jon 12:20 ပူးပေါင်းရင်းမြစ်များ

Maka 7:26

Qole dena iki qole Jiu kaega do i podoe Ponisia vudu Siria. I lama pene vamoqere Jesu go mara kakale vakuziki ne manuru sakata isiqane go sale qole ia.

Tarama Velaka Ia Jesu Kristo I Karo Go Jon 12:1

Kaonomo musaqara i ko tinara doka go musaqara kelo na Pasova, Jesu i ule napu za Betani, komala ia Lazarus, valeke i vatoo ule mego tepa le ne.

Tarama Velaka Ia Jesu Kristo I Karo Go Jon 12:19

Gonae vano Parisio ne iri vari goe dena, “Qamu mia, pata qata vato nego mana qata va kolokua go ne, iki voto so kaega! tanego topu sasakata basoero iri ara lulua so ia!”

Tarama Velaka Ia Jesu Kristo I Karo Go Jon 7:35

Batubatu ria vano Jiu iri vari sine ne, iri go, “Adepa tane tina zae go valeke dena, go tataniki soba kaega? Avigo tina zae de iri koego vano Jiu iri koego komala lavata tepa Qrik? Avigo tina za vari vatatana e dego?

Zazu Ria Apostoloro 14:1

Loborona komala Ikonium, Pol mana Banabasi, iru za soba ze so pata iru rove bana ze Antiok na Pisidia. Pol mana Banabasi iru zae pade lotu ria vano Jiu mana vano iriki Jiu go kaega mana iru za tarama ne larama Velaka ne, mana topu ria vano Jiu mana vano iriki Jiu go kaega in vaogote Jesu.

Zazu Ria Apostoloro 16:1

Pol l zaza mana l za dokae Debe mana Listra, de go i koe kaki basoe i vaogote Jesu, vitoṉo na Timoti. Sinana do i vaogoto napua so Jesu, qole ne i qole na Jiu, do tamana ne i basoe na Qrik.

Zazu Ria Apostoloro 17:4

Kakiaro vano Jiu iri vaogote go sekoro dena iri kamekae to de ikoego Pol, mana Saelas, mana igo napu to vano Qrik iri vazaka bana go God. Mana topu napu qolero mazamazala na kamala lavata dena, do iri kamekae to de ikoego Pol mana Banabasi.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Zazu Ria Apostoloro 21:28

Iri kara me, iri go dena, “Basoero na Izirel! Lama tavisi qemu remu, ia to valeke dena i goe go osina dia, mana i vatatana qira basoero topu. Mana i seko vaqoqoro qira basoero na Izirel mana Tamana ro ia Mosese, mana Pade Lotu dena go. Mana ninidena ipala me qira kakia ro vano iriki Jiu go kaega loborona pade lotu dena, mana iri lama vakore to de tabo dena go.”

Zazu Ria Apostoloro 8:27

Gonae Pilipi i vanama mana i za. Aria kameka valeke batu na Itiopi i za banae Jerusalema, i za vazaka God mana i gado ule, i age pata ageage ia, valeke dena i kaki valeke lavata, imiasoka pata vavagado ia gole batu na Itiopi, mana loborona zaza gado ia, i toere lulua buka i karo go propeta Isaia.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 10:12

Ia dena i sapu lupo qira so osiqira, iki vari kakavatae kaega de iri koe go vano Jiu mana vano iriki Jiu go kaega. God i Batu lupo ne qira so osiqira, mana i teke ne qira pata velaka osiqira iri pene go.

Qalesia 2:3

Aria Taetusi i lulu ava go, i valeke Qrik, do vano iri kenaqa ne go lotu iriki vatutubo ze kaega kosi.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.