Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tarama Velaka Ia Jesu Kristo I Karo Go Jon 10:36 - Vato Vari Vakameka Voru Ia Batu Ne

36 Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

အခန်းကိုကြည့်ပါ။ ကော်ပီ




Tarama Velaka Ia Jesu Kristo I Karo Go Jon 10:36
39 ပူးပေါင်းရင်းမြစ်များ  

I vaogote God, mana igo tanuna i Tuna God, mata mia ṉalu go God i soko vakavele na ia, ia mara zazu neto ninidena!”


batu ria vano varitara mana soldia ro iago iri mia tarua go Jesu, iri mia go nunu ne mana pataro i sadaka go, iri lete sareki mana iri go, “Valeke dena i Tuna ogoto bana to God!”


Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.


Ita qata rove seko na Buka tabo ne, i pata ogoto, God i koru qirae basoero nae god ro, ria to basoero i teke ne qira go tarama ro ia.


Era qa turi vazao qirae kolabana pua ne, gerena so aro, qo turi navae go era kolabana pua ne.


Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.


Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.


Basoero ne iri vataule me, iri go, “Remu i ko ne qemu tamana, iago valeke nae tina le bana so, tanego tanuna i Tuna God igo.”


Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.


God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.


Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.


Jesu igo napu de, “I makuru tuna zazu ne kaki pata, ṉalu qa lulua go so nanao era tanuqu, era qa zazu ne varitanae de iri koego basoero ne, qa lulua so pataro i sine nava go God, iago de igogo varitanae era de iri koego basoero ne, i totoloṉo so, tanego qaki pada ne kaega lulu na soko era tanuqu, do qa zazu neso pata i soko go ia i turi nava go.


Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”


Tanego era qa qoqoro me tepa rani, go tuna zazu ne pata i soko go iani turi nava go, era tuniki zazu ne kaega pata qa soko go tanuqu.


Mamae ni soso ne go too iki rove go kaega lupo, ia to i turi nava go era, mana era qa pala too tanego iato iteke nava go. I gere na napua so, ṉalu ka basoe i ge go tokamaqu era ne, ia tina pala too iki rove go kaega lupo, tanego era tuna teke ne ia.


Remu qi vaogote mana qi rove aro to qo tabo qo reqe mego de ikoego God.”


Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.


Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.


Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.


Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!


Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ