Tarama Velaka Ia Jesu Kristo I Karo Go Jon 10:3 - Vato Vari Vakameka Voru Ia Batu Ne

³ Valeke i miasoka go siporaṉa ne tina papaqa ne valeke miasoka sipi ne, sipi ro tarina gata seko na ia, ṉalu ia i korua go vitoṉo qira, mana tina lulu vasiporo qira go.

Tarama Velaka Ia Jesu Kristo I Karo Go Jon 10:3 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:14

Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 10:4

Ṉalu tina lulu vasiporo qira, ia tina kenaqa ne qira mana sipi ro ia tarina muzi ne ia, tanego iri gata rove ovaṉa na ia.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:45

Seko ro iri karo bana go propetaro ne igo de, ‘God tina vatatana qira basoero topu,’ iago ka basoe i gata vari vatatana ia Mamae mana i lulua gogo ne, basoe nae to i lama va era.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Kameka Korinti 16:9

Tanego siporaṉa na ro zazu i papaqa nava, topu zazu lavata ro qa mazala zazu ne, go do topu napu kana ro iri ko napu.

Pilipae 4:3

Mana aro napu vakitaka era, qa soko ono tavisi ne qiru karua qole dena, tanego riru dena iru tavisi velaka nava era sauna tarama ne na tarama velake ne. Kelementi mana kero ne napu vakitaka ro iri tavisi nava era, ria dena vitoṉo qira i karo banae buka na too ia God.

Kolosia 4:3

Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Jon 4:6

Do ita qata keia God. Basoe i rove go God, i gata mana i toqe ne, pataro qata sine go ita. Do basoe iki keia go kaega God, iki gata kaega ia tane pataro qata sine go ita. Iato nae to pata iru vari kakavatae ne go Spirit tabo ogoto mana Spirit ia vudu pua dena ni poqe go.

Kapisa Jon 1:14

Qa nanao tuna garetu katikili mana ara vapepeu go tanuqu.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”