Tarama Velaka Ia Jesu Kristo I Karo Go Jon 10:28 - Vato Vari Vakameka Voru Ia Batu Ne

²⁸ mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Tarama Velaka Ia Jesu Kristo I Karo Go Jon 10:28 ပူးပေါင်းရင်းမြစ်များ

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Luka 23:46

Jesu i koru valavata igo, “Mamae loborona karisimu qa taru ze go madauqu.” I sine lupo to seko dena, mana i le to go.

Tarama Velaka Ia Jesu Kristo I Karo Go Jon 10:29

Ria i teke nava go Mamae, iri sivala neto osina ro pata, mana kaega ka basoe tina mazala go pala vakuziki ne qirae karisina Mamae.

Tarama Velaka Ia Jesu Kristo I Karo Go Jon 11:25

Do Jesu i sine ne ia, igo, “Era to qa mazala go vatoo na basoe mana teke ne too go. Ka basoe i vaogoto ava go era, patavolomo i le, ia tina pala too i ko sivala go,

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 18:9

Jesu i sine seko ro dena, go sekoro i sine bana go, tina lama sadaka ogoto go, igo, “Mamae, basoero qo teke nava go kaega kakia qava rore go.”

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:47

Ma sine ne qamu pata ogoto, ka basoe i vaogoto ava go era, ia i toṉove too iki rove go kaega lupo.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Zazu Ria Apostoloro 7:59

Iri vana taru ze ia ipaka ne, Sitivini i koru valavata qe de ikoego Batu ne, “Batu Jesu pala zatu madau qu!”

Leta Ia Pol I Karo Ne Qira Basoero Na Rom 5:17

Pata ogoto, vasakata pata ia kameka basoe dena Adamo, i vatarakenaqa ne qira to vano basoe le. Tanego i sauna to vasakata pata ia. Do i pata ogoto sivala napu, pata i zazu ne ze go God zazu ia kameka basoe dena Jesu Kristo i lete lavata sivala napu. Tanego osiqira basoero iri pala Mana de i koe go God, mana iri pala napua too totoloṉo i sosovolomo ne qira, go tarina ko karaputae de i koe Kristo.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Leta Ia Pol I Karo Ne Qira Basoero Na Rom 5:9

Le ia i vatotoloṉo qitae ita de ikoego God ninidena mana i pata ogoto ia to tina vakavele napu qitae go ita muma ia God ṉalu na varitanae ia musaqara muzimuzi.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Karua Timoti 1:12

Pata nae to era qa gata vokara ne go de, do qaki agava ne kaega, tanego qa rove velake basoe qa vaogote go. Mana qa rove ia tina miasoka velake Tarama Velaka dena i taru ze de qa koego, go tina za doka so musaqara muzimuzi go.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Kameka Jon 1:2

Ṉalu too dena i sadaka me vudu pua, remu qimu mia ogote to, mana qimu tarama neto go. Iago qimu sine zatue de qamu koego ramu sauna too i kaega valupolopona. Iko banae so de ikoego God Tamaqita, mana ninidena i lama sadake to de qimu koego remu.

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Kameka Jon 5:11

Pata i sine bana go God igo dena, God iteke ne qita too gadokutona i kaega, mana too dena ireqeme de ikoe sale ia.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Judi 1:21

Mana taru vanadu qamu e loborona mamaligara ia God, mana ko piri e de ikoe go Jesu Kristo tina teke ne qamu manava, mana too iki rove go kaega lupo go.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.