Tarama Velaka Ia Jesu Kristo I Karo Go Jon 10:27 - Vato Vari Vakameka Voru Ia Batu Ne

²⁷ Sipi ro era, iri gata seko ro era, era qa rove qira, mana iri luluava go,

Tarama Velaka Ia Jesu Kristo I Karo Go Jon 10:27 ပူးပေါင်းရင်းမြစ်များ

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 25:12

Do valeke i vanama ne go busi, ne i vataule ne qira, igo, ‘Pataogoto, era qaki rove qamu kaega.’ ”

Matiu 7:23

Do ṉalu nae tuna sine ne qira, ‘Kasi ne de qa koego era, qamu vano sakata. Qaki rove bana qamu kaega.’ ”

Maka 10:21

Jesu i reṉa velaka ne valeke ne mana ilete mamaligara ne, iago ivane ia dena, “Kameka so pata iara ko nigo tono zazu ne go. Ono za mana za volivoli ne pataro qo toṉove go, mana kesa na ne ono soso ne qira vano iri situ go, mana aro tono tonovo napua too vavagadona rani ne. Lupo nae aro ono lama mana lulu ava era.”

Maka 8:34

Taramuzina nae Jesu i koru me qira basoero topu ne mana ria disipoloro ia de ikoego igo, “Ṉalu kaki basoe i soko go lulu ava era, ia tina vaqoqore tanuna mana pala koluse ia osina musaqara mana lulu ava era, go tinara disipolo ogoto era go.

Luka 13:27

Do ia tina go napu dena, ‘Era qaki rove kaega kade qamu reqe mego. Kasi nava era tanego too ramu i lete sakata.’

Luka 9:23

Mana i sine napu ne qira, “Ṉalu kaki basoe i soko lulu ava era, ia tina va qoqore tanuna mana pala koluse ia osina musaqara mana lulu ava era.

Tarama Velaka Ia Jesu Kristo I Karo Go Jon 10:14

Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 10:8

Ria basoero iri lama bana go tarakenaqaqu era, iri vano sikosiko mana iri vasasakata ne qira sipi ro go.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Tarama Velaka Ia Jesu Kristo I Karo Go Jon 21:22

Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”

Tarama Velaka Ia Jesu Kristo I Karo Go Jon 5:25

Ma sine ne qamu pata ogoto, tinara lama doka ṉalu, mana ṉalu nae i lama doka bana to, ṉalu vano le tarina gata ovaṉa na Tuna God, mana ria iri gata go tarina too ule napu me tepa le.

Tarama Velaka Ia Jesu Kristo I Karo Go Jon 8:12

Jesu i seko e de iri koego basoero ne, igo de, “Era to qa tatavatana kolabana pua ne, ka basoe i luluava era, ia tina toṉove tatavata na too, mana tiniki ara koe kaega rodoko go.”

Tarama Velaka Ia Jesu Kristo I Karo Go Jon 8:43

Avigo tane qamuki nanao rove go kaega pataro qa sine ne qamu go na? Ianae ne i sadaka, tanego ramu qamuki soko kaega gatana vari vatatana era.

Zazu Ria Apostoloro 3:23

Ka basoe iki vaogote go kaega propeta nae, God tina taru va kakavata ze ia de iri koego basobasoero ia, mana tina vasakate ia go.’

Kameka Korinti 8:3

Do basoe i mamaligara ne God, God i rove velake basoe nae.

Qalesia 4:9

Do ninidena ramu qamu rove to God ogoto, do era mago, God tane irove kenaqa qamu go ramu, do avigo tane qamu taleqe ule go manuru sakata memelaka na ro vudu pua dena, mana avigo tane qamu soko go vele seka napu ne qira go na? Avigo qamu soko tamuna seka ne pata igogo ne?

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Iburu 3:7

Iato go Spirit tabo ne igo, “Ninidena ṉalu qamu gata go seko ia God,

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.