Tarama Velaka Ia Jesu Kristo I Karo Go Jon 10:16 - Vato Vari Vakameka Voru Ia Batu Ne

¹⁶ Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 10:16 ပူးပေါင်းရင်းမြစ်များ

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Luka 15:8

Jesu i sine napu ne qira, “Ba igerena napu so kaki kameka qole izari ne manoga kesa, mana i vana ne kaki kameka. Avana tina zazu ne go? Ia tina vakamua pazi mana sero pade ia, itaqi va velake go iara soba go.

Tarama Velaka Ia Jesu Kristo I Karo Go Jon 10:11

Era to qa valeke miasoka sipi velaka, mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 10:2

Do basoe i keba totoloṉe siporaṉa na bara ne, i basoe miasoka sipi ogoto.

Tarama Velaka Ia Jesu Kristo I Karo Go Jon 10:27

Sipi ro era, iri gata seko ro era, era qa rove qira, mana iri luluava go,

Tarama Velaka Ia Jesu Kristo I Karo Go Jon 10:3

Valeke i miasoka go siporaṉa ne tina papaqa ne valeke miasoka sipi ne, sipi ro tarina gata seko na ia, ṉalu ia i korua go vitoṉo qira, mana tina lulu vasiporo qira go.

Tarama Velaka Ia Jesu Kristo I Karo Go Jon 10:4

Ṉalu tina lulu vasiporo qira, ia tina kenaqa ne qira mana sipi ro ia tarina muzi ne ia, tanego iri gata rove ovaṉa na ia.

Tarama Velaka Ia Jesu Kristo I Karo Go Jon 10:5

Ṉalu valeke kakavata tina lama, sipi ro dena tariniki lulua kaega valeke nae, tarina paqa lupo, tanego iriki gata rove kaega ovaṉa na ia.”

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Tarama Velaka Ia Jesu Kristo I Karo Go Jon 17:20

Qa pepene ne qira ria de, mana qa pepene napu ne qira osiqira basoero tarina vaogoto ava go era, tanego tarina gata seko ro ria.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Zazu Ria Apostoloro 15:14

Saimon iara sine lupo zaqe so de igogo God i vasadaka kenaqe go manava ia de iri koego vano iriki Jiu go kaega, ṉalu i vine go kakia ro vari lobori qira tarina basoero ia, igogo.

Zazu Ria Apostoloro 18:10

tanego era qa ko tavisi go. Kaega kaki basoe tina lama va sakati go, tanego basoero iri koego komala dena, iri basoero era so.”

Zazu Ria Apostoloro 22:14

Ananaisi igo, ‘God ria vanovano bana ro ita, i vine go aro, tono rove pataro i nanao go God tina zazu ne go, ono mia Jesu basoe zazu ogoto ia God mana, ono gata ia, ṉalu i seko ne ovaṉa ogoto na tanuna.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Kameka Pita 2:10

Ṉalu bana ne ramu qamuki basoe ia kaega God, do ninidena ramu qamu basoero ia, ṉalu bana me ramu qamuki pala kaega manava ia God, do ninidena ramu qamu pala to manava ia.

Kameka Pita 2:25

Ramu qamu gere qira sipi ro iri rore, iri va rore go zuka ria, do ninidena ramu qamu ule napu me de ikoego valeke miasoka sipi, mana i miasoka madau qamu go.

Kameka Pita 5:4

Mana ṉalu tina sadaka me valeke miasoka sipi velaka sivala ne, ramu tamuna toṉove sasarapa velaka sivala i ko sivala osina ṉalu topu ro ne.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.