Tarama Velaka Ia Jesu Kristo I Karo Go Jon 1:34 - Vato Vari Vakameka Voru Ia Batu Ne

³⁴ Tanuqu qa miasoba bana to, mana iato qa sine ne qira go basoero, valeke dena i Tuna God.”

Tarama Velaka Ia Jesu Kristo I Karo Go Jon 1:34 ပူးပေါင်းရင်းမြစ်များ

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 26:63

Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”

Matiu 27:40

iri go, “Tanumu tono pabale Pade Lotu ne, mana vadegere lupo torana so kapisa musaqara qo go, aria to aro, ṉalu go qo Tuna God, siporo kasi neme koluse nae aro!”

Matiu 27:43

I vaogote God, mana igo tanuna i Tuna God, mata mia ṉalu go God i soko vakavele na ia, ia mara zazu neto ninidena!”

Matiu 27:54

batu ria vano varitara mana soldia ro iago iri mia tarua go Jesu, iri mia go nunu ne mana pataro i sadaka go, iri lete sareki mana iri go, “Valeke dena i Tuna ogoto bana to God!”

Matiu 3:17

Mana kakia seko i reqeme tepa rani ne igo, “Iadena to Sale valeke era qa lete mamaligara ne, mana qa lete kula ne go.”

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Matiu 4:6

“Ṉalu go qo Tuna God, ono soru za, tanego Buka tabo i sine, ‘God tina vamiasoka zigoe aro aqeloro ia, mana ria tarina palataru go aro niki go zavae nigo makemu ipaka ne.’ ”

Matiu 8:29

Ṉalu iru mia Jesu, iru koru va lavata, “Ava na tane qo soko qemue go remu Tuna God? Iara kaebo doka ṉalu ia do, qo lama go do vakimata bana qemu to remu qo go?”

Maka 1:1

Iato dena vatupiana na Tarama Velaka sauna Jesu Kristo Tuna God,

Maka 1:11

Kameka ovaṉa iseko me rani ne igo dena, “Aro to qo Sale ogoto era mana era qa lete kula nigo aro.”

Luka 1:35

Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.

Luka 3:22

Mana Spirit tabo ne i qoqoro me de ikoego ia, i gere kurukuru, mana kameka ovaṉa ireqe me rani ne igo, “Aro Sale era, qa lete mamaligara nigo, kula era ikoe de qo koego aro.”

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 10:30

Tanego raru Mamae, qaru kameka so.”

Tarama Velaka Ia Jesu Kristo I Karo Go Jon 10:36

Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

Tarama Velaka Ia Jesu Kristo I Karo Go Jon 11:27

Mata ivataule, igo, “Oveto Batu, qa vaogote aro qo Kristo mana Tuna go God, iato tina lamae go vudu pua dena.”

Tarama Velaka Ia Jesu Kristo I Karo Go Jon 19:7

Basoero ne iri vataule me, iri go, “Remu i ko ne qemu tamana, iago valeke nae tina le bana so, tanego tanuna i Tuna God igo.”

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Karua Korinti 1:19

Era, Saelas mana Timoti, qi tarama ne Jesu Kristo i Tuna God, ia iki sine kaega ‘Ove’ mana ‘Kaega’, ba iane osina ṉalu i sine ‘Ove’ de ikoego God.

Iburu 7:3

I kaega kaki karo loborona Buka tabo ne i vasadaka ne qita tamana ba sinana Melkizadek, sinaqe ia, ṉalu i podo ba ṉalu i le go. Ia i gere so Sale ia God, zazu patere ia iki rove kaega lupo go.

Kameka Jon 2:23

Basoe i sila go Tuna God i sila napu to God Tamana go. Do basoe i vaogote go tuna God ivaogoto napua to God Tamana.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Kameka Jon 4:9

God i vasadake mamaligara ia de qata koego ita, mana iva lame sale ia vudu pua, go ita tatana pala too ogoto de ikoego ia.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Karua Jon 1:9

Ka basoe iki vanadue go kaega varivatatana ia Kristo, mana vazazao kakavata varivatatana nae igogo ne, iki toṉove kaega God. Do ka basoe i lulu totoloṉe go varivatatana ia Kristo, ia itonovo qiru to Tamana mana Tuna.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.