Tarama Velaka Ia Jesu Kristo I Karo Go Jon 1:14 - Vato Vari Vakameka Voru Ia Batu Ne

¹⁴ ‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:14 ပူးပေါင်းရင်းမြစ်များ

Matiu 1:16

mana Jekop tamana Josepo valeke ia Maria, mana Maria iva podo Jesu Kristo.

Luka 2:11

Ninidena to tepa komala ia Davita, ia tina vakavele qamu i podo, iato Kristo Batu ne!

Luka 2:7

Gonae i vapodo sale valeke kenaqa ia, i kade ze poga ne mana iva kekele ze ia moki iri ura go, tanego i kaega to kade tataqalana ka pade, go tarina za koego.

Luka 9:32

Pita mana karua vakitaka ia, iri lete kamuku zato, do ṉalu iri dogara, iri miasoba karaputa ia God i damare Jesu mana iri mia napu qiru karua basoe iru degere tavise ia.

Tarama Velaka Ia Jesu Kristo I Karo Go Jon 1:1

Tarakenaqana kolabana pua iara zari go ‘Seko’ i ko bana so. ‘Seko’ dena i ko tavise God. Mana iru varipada God go.

Tarama Velaka Ia Jesu Kristo I Karo Go Jon 11:40

Jesu i vane de Mata, “Era qa sine bana nigo, ṉalu go qo vaogoto, qo mazala to mia na karaputa mazala ia God.”

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 14:9

Jesu i vataule, igo, “I lete umata sasakata to era qa ko tavisi qamu go, do qoki rove ava so kaega ba Pilipi? Ka basoe i miasoba va era, i miato Mamae. Avigo tane qo sine go, vamia qemue Tamamu na?

Tarama Velaka Ia Jesu Kristo I Karo Go Jon 17:22

Karaputa mazala qo teke nava go, era qa teke napu qira to ria de, qa teke ne qira, go tarina kameka gere na ituru qaturu kameka go.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Tarama Velaka Ia Jesu Kristo I Karo Go Jon 2:11

Jesu i vasadake zazu vari va poloso kenaqa dena loborona kena Qalili komala Kena, de go i vasadaka ze de go mazala na karaputa ia, mana disipoloro ia iri vaogote iago.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 3:18

Basoe i vaogoto ava era, God tiniki taru ze kaega vivine too ia, do basoe iki vaogoto ava kaega era, God itaru bana ze vivine too ia, tanego basoe nae iki vaogoto ava kaega era qa kameka Tuna go God.

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Tarama Velaka Ia Jesu Kristo I Karo Go Jon 8:32

Tamuna rove pata ogoto de ikoego God, mana pata ogoto dena, tina va talupasa qamu.”

Zazu Ria Apostoloro 13:33

Iago ninidena izazu ne qita to ita, ṉalu i vatoo napu mego Jesu tepa lene, gerena i sine ze go varuana buka na Kera. ‘Aro qo sale ogoto era, ninidena era qa Tamamu.’

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Kameka Korinti 15:47

Adamo kenaqa God i zazu ne ze ia pua, mana i pala too na vudu pua dena, Adamo muzi i reqe me tepa rani ne.

Karua Korinti 12:9

Do vataule i teke nava go igo dena, “Mana era so i tora go aro, ba karaputa era i moqere sivala ṉalu aro qo pela go.” Era qa lete kula sivala ṉalu qa pela go, go karaputa ia Kristo tina koe de qa koego era.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Kolosia 1:19

Tanego i sauna vivine ia God, sale ia tanuna i gere ogote dego God.

Kolosia 2:3

Kristo i mazala go papaqana vavagado ogoto ia God ni ko pipika go, iato vavagado na tarove mana rove na God go.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 1:5

Iato go kaega kaki ṉalu God i sine ne kakia aqelo ro ia, “Aro qo Sale era; Ninidena to, era qa Tamamu aro.” Ba kaega kaki ṉalu, God i sine ne kakia aqelo ia, “Era tuna Tamana ia, mana ia, tina Sale era.”

Iburu 10:5

Iata go sauna to pataro dena, tarakenaqana Kristo iara lamae go vudu pua, ia i sine ne God, “Aro qoki soko kaega komakoma mana soso ria basoero go, do aro go vanama nava era kameka tokama.

Iburu 2:11

Basoero iri vasakata pata go iva dalo qira, iago Jesu mana ria i vadalo qirae go vasakata pata ne i kameka so Tamaqira. Iato go Jesu iki agava ne kaega koru qira e togaquro ba kaequro.

Iburu 5:5

Varipadana so de ikoego Jesu, ia iki vine ze kaega tanuna tina batu ria patere ro. Do God tane i sine ne ia, “Aro qo Sale era, ninidena to era qa Tamamu aro.”

Kameka Jon 4:14

Remu qimu mia bana Sale ia mana qimu sine bana ne qira basoero ne sauna God Tamaqita ivalame go sale ia, go tina vakavele go basoero na vudu pua.

Kameka Jon 4:9

God i vasadake mamaligara ia de qata koego ita, mana iva lame sale ia vudu pua, go ita tatana pala too ogoto de ikoego ia.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.

Revaleson 19:13

Roku i vakeba ne go, i parasa lupo so. Vitonona ne, “Seko ia God.”

Revaleson 21:3

Qa gata kameka ovaṉa i seko me de kolokoloku batubatu me, ogi dena, “Ninidena komala ia God i kotavisi qira to vano basoe. Ia tina ko tavisi qira mana ria tarina basoero ia, mana God tina God ria go.