Muniki vapala zeso sine na ramu tamaqamu Abra-am, iago God ki mazala kaega vakimata qemu, ma sine ne qamu, God i mazala so palana ipakaro dena mana zazu vatopu zego salero ia Abra-am.
iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.
Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.
I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.
Muna gere qira sale medara iri ara podo go, iri lete soko go susu. Ramu muna soko susu i lete dalo go, susu nae tina vakaraputa qamu mana God tinara va kavele qamu go.
Ka basoe i lama sale ia God, tiniki ara lulua kaega zuka na vasakata pata, tanego God i ko tavise ia mana God i Tamana, iago tiniki ara vasakata pata napu kaega go.