Tarama Velaka Ia Jesu Kristo I Karo Go Jon 1:1 - Vato Vari Vakameka Voru Ia Batu Ne

¹ Tarakenaqana kolabana pua iara zari go ‘Seko’ i ko bana so. ‘Seko’ dena i ko tavise God. Mana iru varipada God go.

Tarama Velaka Ia Jesu Kristo I Karo Go Jon 1:1 ပူးပေါင်းရင်းမြစ်များ

Matiu 1:23

“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

Luka 24:53

Osina to ṉalu iri za koe Pade Lotu ne iri seko velaka mana iri vazaka God.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 1:2

I ko tavisi bana meso God kokoso vatupiana na osina pata.

Tarama Velaka Ia Jesu Kristo I Karo Go Jon 16:28

I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”

Tarama Velaka Ia Jesu Kristo I Karo Go Jon 17:5

Mamae, ninidena qa soko mo vasadake karaputa mazala era, i ko nava go torana qa kotavisi go, ara kaebo zari i vaego kolabana pua dena.

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Tarama Velaka Ia Jesu Kristo I Karo Go Jon 8:58

Jesu i sine ne qira, “Tarakenaqana Abra-am iara podo go, ‘Era To Qa Basoe Qa Ko Osina Ṉalu.’ ”

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Pilipae 2:6

Ia i varipada so too ia de ikoego God. Do iki nanao vanadu ze kaega ko ia, go mara varipadae de ikoego God.

Kolosia 1:15

Kristo i gere so God, do qata mazala mia na, do God qatiki mazala kaega mia na. Kristo i kameka sale kenaga ia God, i lete mazala sivala ne osina ro pata i vazaria go.

Kolosia 1:17

Kristo i ko bana so tarakenaqana iara zari go osina pataro dena, mana loborona vari va kameka de koe ia osina ro pata i tavine bana so de tarina koego.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Iburu 13:8

Jesu Kristo iki rove kaega kavala vatovato ia i varipada so, tupi me ṉalu bana ne, ninidena, mana tiniki rove kaega za lupo go

Iburu 7:3

I kaega kaki karo loborona Buka tabo ne i vasadaka ne qita tamana ba sinana Melkizadek, sinaqe ia, ṉalu i podo ba ṉalu i le go. Ia i gere so Sale ia God, zazu patere ia iki rove kaega lupo go.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Kameka Jon 5:7

Iago kapisa pata dena to iri vasadaka velaka mego sauna Jesu de qata koego ita.

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 1:17

Pasi qa reṉa soba ne ia, qa soru kapate tarakenaqana makena ia, gere basoe i le bana go. Do i sibave karisi matauna, mana igo, “Oniki sareki, era to qa kenaqana go mana lupolupo na go osina ro pata.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 19:13

Roku i vakeba ne go, i parasa lupo so. Vitonona ne, “Seko ia God.”

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 21:6

Mana igo napu dena, “Osina pataro iri doka to.” Era to qa kenaqana mana muzimuzina osina pata, era to qa tutupiana mana lupolupo na osina pata. Ka basoe i kaṉoso go era tuna teke ne ia besi vuala na too i kaega go volina.

Revaleson 22:13

Era to qa kenaqana mana muzimuzi na osina ro pata. Era to qa tutupiana mana muzimuzi na osina ro pata. Era to qa tutupiana mana lupolupo na osina ro pata.”

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.