Jemisi 5:19 - Vato Vari Vakameka Voru Ia Batu Ne

¹⁹ Turaquro, ṉalu kakia basoe izaza rore kasi ne go vaogotona tarama velaka ne, muna pada ne pala vaule na ia.

Jemisi 5:19 ပူးပေါင်းရင်းမြစ်များ

Matiu 18:15

Jesu igo napu dena, “Ṉalu togamu i kebu e deqo koego, zae de ikoego mana vamia ze kebu ro ia. Do buru na zazu vamiki neso tanuqaburu. Ṉalu ia i gata go pataro qo sine go aro, raburu qaburu vari vakameka napu tamakena.

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Kameka Timoti 6:10

Soko na kesa iato i kutamana go osiqira pata sakataro ne. Kakiaro basoero iri lete le ne vavagado, go iri zaza vakakavata, mana iri va vokara ze nanao qira nanao sakata ro.

Kameka Timoti 6:21

Kakiaro basoero iri lulu bana tarove dena, iato go iri vana ne vaogoto ria. Mana ia God mara ko tavisi qamu osina ṉalu.

Karua Timoti 2:18

iru vana ne zuka na vaogoto mana iru va vizua vaogoto ria basoero ne, iru go ita qatiki ara too napu kaega ṉalu muzi, tanego too nae ne, iato qata pala to ninidena.

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Jemisi 1:16

Iago turaquro, muna nanao luluse sauna pataro dena.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 3:14

Do ṉalu puṉu qamu ikoe go qora mana muma, ṉaṉa siko gogone, kasi vazakanapu nena tarove ramu, iki pata ogoto kaega.

Jemisi 5:20

Ramu muna nanao tarua seko dena. Basoe ni vataleqe ule mego basoe ivasakata pata go, basoe tonae ivakavele go madauna basoe nae tepa ia le. Mana basoe tonae i papaqa go zuka ia God go tina nanao ule ne qira go vano iri vasakatapata go.

Karua Pita 3:17

Do ramu turaquro, qamu rove bana pata ro dena. Iago muna miasoka va velaka napu qamu tanuqamu, niki go toqo va kasi ne qamue vaogoto qamu pala bana go.

Judi 1:11

Iago iri na miasoka! Tanego iri lulua go vatovato i lulua bana go Ken. Iri lulu napua de igogo propeta Belam, ipala ze kesa loborona seko poqe ro ia. Iri vae vato gerena de igo bana go Kora i vae vato e de ikoego God. Iago God tina lete vasakata sivala ne qira gere de ivane go Kora.