Jemisi 4:8 - Vato Vari Vakameka Voru Ia Batu Ne

⁸ Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Jemisi 4:8 ပူးပေါင်းရင်းမြစ်များ

Matiu 12:33

Gonae Jesu i sine ne qira, “Moki i too velaka go tokamana, tina ure velaka, ba moki ki too velaka go kaega, tiniki ure velaka kaega. Tanego osina moki ne qata mazala mia rove ze na ure na ro.

Matiu 15:2

“Avigo tane disipoloro aro iriki lulua go kaega tamana iri taru ne qita go vano ṉalu bana ro ita? Iriki saboro kenaqe kaega karisi qira iado iri ṉaṉa so!”

Matiu 27:24

Pilato imia imakuru to kavala na nanaoqira basoero dena, do kadigo pera lavata mana varitara tina sadaka go, iago i pala disi besi mana i saboro ze karisina tarakenaqa qira basoero ne mana i sine, “Le na valeke dena, iki riqo era kaega, tanuqamu to qamu rove go talupasa na!”

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Kameka Timoti 2:8

Osina ṉalu qamu kameka teṉo sauna vazaka, qa pene osiqamu valeke ro muna pepene, ria valeke ro iri teke ne too ria de ikoego God, iri mazala vazakazaka na karisi qira loborona lotu, mara kaega qira muma ba varivalegu go.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.