Jemisi 3:6 - Vato Vari Vakameka Voru Ia Batu Ne

⁶ Saqena basoe do izazu gere so nako ne, mana ipurake to topu pata sakata ro. Patavolomo i kameka pata sukae go so tokama qita ita, do imazala so vasakata lupona osina dia tokama qita. Mana ianae i vasakata lupo to osina too ita, paluze to sakataro iri reqeme go nako ne.

Jemisi 3:6 ပူးပေါင်းရင်းမြစ်များ

Matiu 12:24

Do ṉalu kakiaro vano Parisio iri gata tarama dena, iri go de, “Batu Belzebul tane i teke ne go ia karaputa, go i kakale ze go manuru sakata ne.”

Matiu 5:22

Do ma sine qamu, basoe i muma ne kaena ba togana gogone na pala vazao ze loborona varitanae. Basoe i seko sakate kaena ba togana nara vazao ze de iri koego vano gatagata pepeu go tarina va kimate ia. Basoe idamua kaena ba togana gogo ne, basoe nae tina zae loborona nako ne.

Maka 7:15

Pataro i reqe go tepa peka dena mana keba za loborona basoe gogo ne, iki vakore kaega basoe. Do pataro i reqe me loborona basoe mana siporo me peka dena, tane ivakore go basoe.

Luka 16:24

Gonae i koru aqe, ‘Mamae Abra-am, nanao ava me, turi me Lazarus mara vaboma ze karisina besi mana mara lama va lolomua kalamiaqu tanego era qa lete lama vokara e nako dena!’

Zazu Ria Apostoloro 20:30

Tina lama doka ṉalu kakiaro basoero qamu kameka zazu go, tarina sine seko poqe ro, mana kakiaro basoero iri vaogoto go tarina zaza kakavata napu.

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Zazu Ria Apostoloro 6:13

Gonae iri vakeba qira kakiaro valeke ro, go tarina lama sine seko poqe sauna ia, iri go, “Valeke dena,” i poro seko vasakate Pade Lotu tabo ita mana Tamana ro ia Mosese go.

Taetusi 1:11

Ono vanoto vari vatatana poqepoqe ro igogo ne, tanego iri va sakata bana to vaogoto ria kavia ro tatamana ro. Iri vatatana qirae basoero ne pata poqepoqe ro, tanego iri soko so pala na kesa go tina tavisi ne qira.

Jemisi 2:7

Mana ria so nae iri vasakata napua go vitoṉo velaka na Jesu iri teke ne qamue go bapitema ramu.

Jemisi 3:7

Basoe imazala so vamanakamena pata qaraqara piru ro, palero, mana pataro iri zodale go pua ne, mana iṉana ro ne qo.

Karua Pita 3:3

Pata kenaqa, ramu muna nanao tarua ṉalu musaqara muzimuzi tina za sadaka me, kavia ro basoe iri too ego soko na vasakatena tokama qira, tarina va kari ne qamu.

Kapisa Jon 1:10

Nalu tuna garetu, nara garetu vasadake go pataro i zazu ne go Dioterepesi, i poqepoqe mana i sine seko sakata ro de qimu koego remu. Do iki sokana so nae kaega, ia iki soko kaega tavisi ne qira kero ne vakitaka ro iri osaka ne Kristo. Mana iva noto napu qira basoero iri soko go tavisi ne qira go vakitaka ro ita, mana i kakale qirae eklesia ne go.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 18:23

Kaega kaki tatavatana pazi tinara mia zego nae, kaega ka valeke mana qole tiruna busi ego nae. De bana neto vano iri zazu nego volivoli ro nae, ria to iri mazala mana karaputa ego kolabana pua ne, mana zazu tatakiu ro aro nae, iato qo poqe qirae go basoero na vudu pua ne.”

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.