Jemisi 3:17 - Vato Vari Vakameka Voru Ia Batu Ne

¹⁷ Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Jemisi 3:17 ပူးပေါင်းရင်းမြစ်များ

Matiu 23:28

I gere napua so de qamu gogo ramu, tanego pataro qamu zazu ne, i mia velaka qira to basoero ne, do loborona nanao qamu i purake de go poqepoqe mana vasakata pata go.”

Matiu 5:8

Kula ria basoero i velaka go nanaoqira, tarinara mia God taramuzina.

Matiu 5:9

Kula ria basoero iri zazu ne go vari va bule, tarinara koru qirae salero ia God.

Luka 21:15

Tanego era, tuna teke ne qamu seko go tamuna seko nego mana tarove go, go kaega ka basoe i kana ne qamu tina seko toli qamu, ba seko va qoqore go pataro tamuna sine go.

Luka 6:36

Muna varinanao mana manava sakata ne qira kero ne basoero, gerena Tamaqamu ikoego rani ne.”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:47

Ṉalu Jesu i mia Natanel i lamae go de ikoego, i vane ia de, “Valeke dena i basoe ogotona to Izirel, mana iki rove kaega poqe go.”

Zazu Ria Apostoloro 11:24

Banabasi i kameka valeke velaka sivala mana Spirit tabo ikotavise ia mana vaogoto ia ilete karaputa, mana torana nae basoero ne iri lete vaogote to Batu ne.

Zazu Ria Apostoloro 9:36

Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ.

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 12:9

Tanego ṉalu qamu mamaligara ne qira go basoero ne, mara reqe me to mamaligara ogoto ramu. Iago vanaqe to pata i sakata mana palataru vanadua to pata velaka.

Leta Ia Pol I Karo Ne Qira Basoero Na Rom 15:14

Ramu turaquro, era qa nanao vaogote ramu qamu pala to vatovato velaka, go qamu tarove ne go pataro, mana go qamu mazala go vari vatatana napue na deqamu koe go tanuqamu go.

Kameka Korinti 12:8

Kameka Spirit tabo dena so i teke ne qira basoero seko ro i purake tarove mana i teke napu ne qira kero ne basoero seko ro i purake pata vari va rove go.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 6:6

Do too dalo remu, qi rove vavelake zazao na Tarama Velaka ne, qiki muma katikili kaega, mana zazu vari vatatavisi remu, qi vasadake qi vano zazu ia so God, remu qi toṉove Spirit tabo mana qi mamaligara ogoto ne qira basoero go.

Karua Korinti 7:11

Muna mia pata i zazu ne God i va maqata qamu go, ramu qamu lete soko vasadakena i kaega ne qamu kebu. Ramu qamu muma, qamu poloso, qamu le ne miana vatovato totoloṉo tara sadaka me, qamu vanama ne valepulepu qira vano iri vasakata pata go, ianae qamu vasadake qamu lete totoloṉo e pataro nae.

Karua Korinti 9:10

God i soso ne paturu na leba go, mana pata gege tatana ge go, tina soso napu ne qamu osina paturu qamu soko go, tina podo mana urena tina lete topu na reqe me God zazu velaka ro qamu zazu bana nego.

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kameka Tesalonika 2:7

Pata ogoto remu qimu apostolo ia Jesu Kristo. Iago itora qemu so pene qamue ramu kakia pata go tara tavisi nego too remu, ko remu de qamu koego ramu osina pata, qimu vamalumu ze so de qamu koe go ramu. Remu qimu gere so sinana sale i miasoka velaka qira go sale ro ia.

Kameka Timoti 5:21

Loborona tarakenaqana God mana Jesu Kristo mana aqelo tabo ro, qa pene va karaputa go, ono lulua vari vatatana dena. Oniki tavisi ne qira so ke qo soko tanumu, do ono varitora lupo ne qira so.

Karua Timoti 2:24

Basoe zazu ia Batu ne, mara kasi poro vari valegu, mana poro muma katikili go, do ia tina vakapo qira basoero, mana tina rove velake de go vatatana qira basoero ne go.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Iburu 12:11

Ṉalu qata lepulepu, i gere kaki pata i lete va maqata qita, qatiki kula kaega, do taramuzina ria iri vatotoloṉo qira ego lepulepu nae tarina za pala voli na too totoloṉo.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Jemisi 1:5

Do ṉalu kakia ramu ikaega ne go tarove, ia mara pene God, mana God ina teke ne ia, tanego soso ia ilete velaka sivala me de ikoego basoero topu.

Jemisi 2:13

Tanego varitanae ia God iki sadaka me kaega varinanao de ikoego basoe iki manava ne qira go kaega basoero ne, do ṉalu aro qo manava ne qira go basoero ne, aro tina kaega nigo so sareki dekoe varitanae ia God.

Jemisi 2:4

Ia to nae kebu raramu, tanego tanuqamu so qamu vine vakakavata qira go basoero iri lamae go de qamu koe go, mana vivine ramu nae ireqeme so nanao sakata.

Jemisi 3:15

Tarove igogo nae iki ireqeme kaega rani ne, do ireqeme so pua dena, mana iki ke ia kaega madau, do ike ia so Satana.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 2:18

Vano seka ro muna vaogoto qira batu ro ramu mana va sadaka ne qira padapada ro ramu de iri koego. Kasi va mazala miki qira so ria iri va velaka ne qamu, mana nanao qamu gogo, do ria napu to vano iri sakata qamu go muna nanao qira.

Kameka Jon 3:18

Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.