Jemisi 3:13 - Vato Vari Vakameka Voru Ia Batu Ne

¹³ Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Jemisi 3:13 ပူးပေါင်းရင်းမြစ်များ

Matiu 11:29

Muna lama lulua vari vatatana era, mana era ma vatatana qamu go, tanego era qa vari nanao mana qaki vazakazaka va kaega tanuqu go, too nae to qamu mazala soba zena ziṉo loborona too ramu.

Matiu 21:5

“Sine ne qira basoero na Zaion, Mia, Batu lavata ramu, i garetu ne qamu. I va qoqore tanuna, mana i age so donki, mana donki sale nae to iage mego ia.”

Matiu 5:5

Kula ria basoero iri va qoqore tanuqira, tarinara pala pata velaka ro i pui bana nego God.

Matiu 7:24

Jesu igo napu dena, “Basoe i gata go seko ro era mana lulua igogo ne, i gere basoe i nanao tarove go. Basoe i nanao tarove go i zazu ze pade ia popokona ipaka go tina nadu pade ia.

Kameka Korinti 6:5

Avigo tamuniki agava ne kaega? Era qa vaogote kaki kameka basoe tarove i koe loboro qamu, i mazala go vatotoloṉo na vari valegu de iri koego vano lotu.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 8:24

Vamia qirae basoero nae, qamu mamaligara ne qira, go basoero lotu qi turi ne qira atu go tarina gata mana rove, go pataro qi vazaka napu ne go remu sauqamu ramu vano Korint tina pataogoto.

Qalesia 5:23

Ko vaqoqoro mana ko miasoka go so tanumu. Ikaega to kakia seko na Tamana tina vasakate go pataro dena.

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Qalesia 6:4

Nogotona basoe mara mia velake too ia tanuna, avigo i velaka ba kaega. Ṉalu itotoloṉo go ia, tinara tora go vazakanapu ne go, pata izazu ne go tanuna, do mara kasi mia pada zena pata izazu ne go kene basoe.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Timoti 6:11

Do aro qo basoe ia God, pataro nae oniki zazu ne, do ono pada ne zazu na pataro i totoloṉe go tarakenaqana God. Ono ko vanadu gere basoe lotu ogoto mana vanadua vaogoto aro go. Ṉalu na makuru, ono karaputa, mana ono mamaligara mana va velaka ne qira basoero go.

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Iburu 13:5

Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”

Jemisi 1:21

Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Jemisi 2:18

Do kadigo kaki basoe tina go, “Kakiaro basoe iri vaogote so God, mana kakiaro iri zazu ne pata velaka.” Ṉalu igogo nae aro ono vamia zava era de igogo ia ni vaogote God igogo, do iki zazu ne kaega kaki pata velaka. Era ṉara vamia zigo aro pata velaka ro qa zazu ne go ni sadake go vaogoto era de ikoe go God.

Jemisi 3:1

Ramu turaquro, iki tora kaega topu ramu muna lama vari vatatana go. Tanego ṉalu na varitanae ia God tina lavata sivale de iri koe go vano iri vari vatatana go, mana de iri koe go basoero tina suka.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 1:15

Tanego God i koru bana qamu go i tabo, iago ramu muna ko mana va tabotabo too ramu, mana osina pataro qamu zazu ne to go.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 3:4

Ba pata menomeno mara ko mego loborona puṉu, mana madau qamu ne, iato ko va velaka, noto mana ko duduli go. Vatovato nae to i lete mazala sivale go tarakenaqana God.