Jemisi 3:1 - Vato Vari Vakameka Voru Ia Batu Ne

¹ Ramu turaquro, iki tora kaega topu ramu muna lama vari vatatana go. Tanego ṉalu na varitanae ia God tina lavata sivale de iri koe go vano iri vari vatatana go, mana de iri koe go basoero tina suka.

Jemisi 3:1 ပူးပေါင်းရင်းမြစ်များ

Matiu 10:24

Basoe sikulu iki sivala ne kaega basoe i vatatana go, igerena napu so basoe zazu iki sivala ne kaega batu ia.

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 9:11

Kakiaro ria vano Parisio iri tana ne qira disipoloro ia Jesu, “Avigo tane batu ramu i ṉaṉa tavisi qira basoero gogo nae?”

Luka 16:2

Iago valeke vavagado ne i koru va keba valeke ne mana i sine ne, ‘Avigo tane pata qa gata go era saumu aro? Ono karo vatotoloṉo lupo de igogo zazao na osina pataro qo zazu bana nego, tanego ninidena aro iki torago to kaega tono kenaqa ne miasoka na patapata ro rera.’

Luka 6:37

Jesu i sine napu ne qira, “Kasi toere na too ia kene basoe, go God tiniki toere go kaega too ramu, kasi vapala ze na kaki pata basoe ne, go God tiniki vapala qamue kaega kaki kapata. Nanao ule ne qira basoero ne, go God tina nanao ule ne qamu go.

Tarama Velaka Ia Jesu Kristo I Karo Go Jon 3:10

Jesu ivataule ne igo, “Aro qo kakia valeke vari vatatana lavata na Izirel, avigo qoki rove kaega pata dena?

Zazu Ria Apostoloro 13:1

Eklesia ikoego Antiok i koe kakia ro vano vari vatatana. Banabasi, Simion, iri vitoṉo ze Pono, Lusiu valeke na Saerina, Manea iru lavata varitora me Erode Antipas, mana Sol go.

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Karua Korinti 5:10

Do osiqita tatana sadaka e tarakenaqana Kristo ṉalu tina zazu nego vivine ia. Ia tina vine too ita, mana tina teke ne qita voli ba kimata i tora go pataro qata zazu nego, Kristo tina zazu ne iadena, sauna osina zazu velaka ba zazu sakata ro qata zazu nego, ara too qata vaego pua dena.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Kameka Timoti 1:7

Iri soko tarina vano vari vatatana na tamana ro ia God, do iriki nanao rove kaega talupasana sekoro iri sine go, ba avana tane i talupase go pataro iri pepeu a go.

Kameka Timoti 2:7

iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.

Karua Timoti 1:11

God i vine ava era tuna kaki apostolo mana basoe vari vatatana iago, go tuna sine vasadake Tarama Velaka ne.

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Jemisi 1:16

Iago turaquro, muna nanao luluse sauna pataro dena.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 3:10

Avigo tane sekona varivakula mana seko na tulaṉa go iru kameka reqeme so kameka saqe gogo na? Ke ramu turaquro, vatovato igogo dena tarakasi sadaka me.

Kameka Pita 5:3

Mana kasi nanao na lete batu sivala ne qira basoero qamu miasoka qira go, do muna va mia qirae vatovato velaka ro ramu, go tarina lulua go.