Jemisi 2:5 - Vato Vari Vakameka Voru Ia Batu Ne

⁵ Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Jemisi 2:5 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 5:3

“Kula vano iri situ go, tanego iri soko vatovato velaka ia Batu ne. Vari miasoka ia Batu ne i koe to de iri koego.

Maka 7:14

Jesu ikoru qira basoero ne go mara ria lama vavaroṉono va velaka, igo. Ivane qira dena, “Muna gata vavelaka me go tamuna nanao rove go pataro dena.

Luka 12:21

Mana valupo lupona Jesu igo, “Iato nae de tina gogo basoe i teṉo ne go vavagado ia tanuna. Do tepa ia God, i kaega neso kaki vavagado ia.”

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Luka 16:22

Ṉalu valeke situ dena i le, aqelo ro iri lama sua ia mana iri vakoluku ze rikisina Abra-am tepa rani ne. Valeke vavagado ne i le, mana iri za vou ia,

Luka 16:25

Do Abra-am i vataule ne ia igo, ‘Nanaotarua sale era, ara too qo vaego qo pala lupo bana to osina pata velaka, mana Lazarus i pala topu na pata sakata ro. Do ninidena Lazarus i lama koe kulakula, mana aro qo pala to vokara.

Luka 22:29

Gerena so Mamae i teke nava era karaputa, iago era qa teke ne qamu ramu karaputa go tamuna kenaqa ne qira basoero ne.

Luka 6:20

Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Tarama Velaka Ia Jesu Kristo I Karo Go Jon 7:48

Avigo, kakia remu vano Parisio ba vano batubatu ita qemu vaogote ia? Kaega to!

Zazu Ria Apostoloro 7:2

Sitivini i vataule igo, “Turaquro, mana mamae ro, gata va era! Tarakenaqana go ia kazigarata ita Abra-am iara za koego Aran, damara na tatavata mazala ia God i sadake ia tepa Mesopotamia,

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Karua Korinti 4:15

Tanego i sauqamu ramu tane i sadake go pataro dena, mana topu basoero iri kavele ne Mana ia God, iago topu na pepene ro, seko velaka ro tarina teke zaqe God sauna karaputa mazala ia.

Karua Korinti 6:10

Patavolomo ṉalu qi maqata, remu qi kula taru so, qi gere qira vano situ, do qi teke qira pata vavagado topu ria basoero, i gerena i kaega ne qemu kapata, do remu i kone qemu topu na pata.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Karua Tesalonika 1:5

Osina pata ro dena i vasadake varitanae ia God de iri koego basoero ne itotoloṉo, mana urena pataro dena, ramu itora qamu to pala na Too ikoego vari miasoka ia God, sauna vokara ro ramu.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Karua Timoti 4:18

Mana Batu ne tina vakavele ve era de koe osina pata sakata, mana tina pala vazao ve era komala tabo ikoego vari miasoka ia, de ikoego ia karaputa mazala ia i ko osina ṉalu topu ro ne! Amen.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Jemisi 1:16

Iago turaquro, muna nanao luluse sauna pataro dena.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 1:9

Basoe ia Kristo i sarakutu go mara kula ne ṉalu God tina vazakazaka go ia.

Kameka Pita 1:4

Ianae go ita qata vatarakenaqa ne za qe palana vavagado na makaolo ia God i soti ne qira go basoero ia. Vavagado nae i soti ne qamue rani ne, de iki mazala kaega za sakata ena mana za kaega ena go.

Karua Pita 1:11

Mana God tina va mao ne qamu keba zana vudu voru iki rove go kaega za lupo. Vudu nae ne, iato i za ko Batu ego Jesu Kristo Batu ita ne.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 3:18

Iago ma sine ne qamu pata ogoto, muna voli zavae era qolu ilete velaka sivala, go tamunara vavagado ogoto go. Muna voli palu ze poga tamuna vakeba nego, go tina sapua go tokamaqamu ni sisinaqa go, go tamuniki agava go kaega. Muna voli napua sumuku tamuna alu zego mata qamu, go tamuna mimia velaka go.