Jemisi 2:25 - Vato Vari Vakameka Voru Ia Batu Ne

²⁵ Igerena napu so qole poro varivagabu Reab. Ia i vakeba velaka qiru, mana ipika qirue pade ia karua basoe ria vano Izirel iru lama mimia sikoe go komala lavata nae. Mana Reab i vapaqa pipika qirue riru zuka kakavata na komala nae. Sauna so zazu velaka ianae tane God igo, i qole totoloṉo i vane go Reab.

Jemisi 2:25 ပူးပေါင်းရင်းမြစ်များ

Matiu 1:5

Salemon i tamana Boazi, sinana to Raab, Boazi tamana Obeti, sinana to Ruti, Obeti tamana Jese,

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Zazu Ria Apostoloro 17:7

mana Jesoni to dena i soti qirue go pade ia. Mana osiqira dena iri vae lupo to tamana ia batu lavata Siza. Mana pata iri sine go iri go, iko napu tane kaki batu lavata vitoṉona Jesu,” iri go.

Iburu 11:31

Qole vari vagabu, vitoṉona Reab i vaogote God, iato go iki le palu qira kaega basoero iri legulegua go God. Ia i vagado velaka qiru karua valeke kakavaro ria vano Izirel.

Jemisi 2:18

Do kadigo kaki basoe tina go, “Kakiaro basoe iri vaogote so God, mana kakiaro iri zazu ne pata velaka.” Ṉalu igogo nae aro ono vamia zava era de igogo ia ni vaogote God igogo, do iki zazu ne kaega kaki pata velaka. Era ṉara vamia zigo aro pata velaka ro qa zazu ne go ni sadake go vaogoto era de ikoe go God.

Jemisi 2:22

Qamu mia rove to ramu, sauna so vaogoto ia mana zazu ia gogo ne, iru kameka vari lulu velaka so.

Jemisi 2:24

Iago qamu mia to, zazu ia so basoe i vatotoloṉe go ia de ikoe go God.