Jemisi 2:19 - Vato Vari Vakameka Voru Ia Batu Ne

¹⁹ Era qa rove ramu qamu vaogote i kameka minena so God ogoto iko go. Ivelaka sivala to nae! Manuru sakataro, do iri vaogoto napua so God iato go iri nenedere mana sareki napu so go.

Jemisi 2:19 ပူးပေါင်းရင်းမြစ်များ

Matiu 8:29

Ṉalu iru mia Jesu, iru koru va lavata, “Ava na tane qo soko qemue go remu Tuna God? Iara kaebo doka ṉalu ia do, qo lama go do vakimata bana qemu to remu qo go?”

Maka 1:24

“Ava patana tane qo soko qemue go remu Jesu na Nazaret? Era qa rove go aro qo kameka valeke Tabo ia God!”

Maka 12:29

Jesu iva taule ne igo, “Kameka ke i lete lavata sivala go Tamana ne, iato dena, ‘Gata va velaka me ramu vano Izirel! God Batu ne i kameka bana so, mana i kaega napu kaki god napu go.

Maka 5:7

“Jesu Tuna God ikoego zakazaka! Ava tono vane ava era aro? Loborona vitoṉona God, era qa peni go oniki vakimata va!”

Maka 7:9

Jesu igo napu dena, “Qamu lete rove to ramu tane itana vakakavata na tamana ro ia God, mana luluna tamana ro ramu tanuqamu.

Luka 4:34

“Ke! Ava patana tanego qo soko qemue go remu, Jesu na Nazaret? Avigo qo lama ne vasakata qemu remu? Era qa rove go aro qo kameka valeke Tabo ia God.”

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Zazu Ria Apostoloro 16:17

I kale muzi ne Pol, mana remu go, ikoru valavata, igo, “Basoero dena iri vano zazu ia God ni lete zakazaka sivala go! Iri sine vasadake, de go qamu mazala go za kavele!”

Zazu Ria Apostoloro 19:15

Do manuru sakata ne, i sine ne qira, “Era qa rove Jesu, mana qa gata bana zazu ia Pol, do akena ramu bana tane nae?”

Zazu Ria Apostoloro 24:25

Do ṉalu Pol i sine napua de igogo, too totoloṉo, too ia tanuna basoe, mana ṉalu muzi God tina zazu nego vivine, Pilix i sareki, mana i sine ne Pol, “Aro mo ule tekere ninidena. Era tunara koru napu go, ṉalu go i ko napu nava ṉalu.”

Leta Ia Pol I Karo Ne Qira Basoero Na Rom 3:30

Tanego kameka so God dena i vatotoloṉo napu ze tanuna de iri koe go vano Jiu mana vano iriki Jiu go kaega loborona so vaogoto ria.

Kameka Korinti 8:4

Iago sauna ge na pata gege iri komakoma ne qirae beku ro, ita qata rove beku ro i kaega ne qira karaputa, iri beku volomo so, ita qata rove iko kameka so God.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Qalesia 3:20

Do ninidena valeke izazue go de ikoego God mana basoero ne ikaega to, do tanuna so God i ko go.

Kameka Timoti 2:5

Tanego ita qata rove, kameka so God, mana iko napu kameka basoe i vakameka ne God mana basoero na pua dena, basoe nae to Jesu Kristo,

Jemisi 2:8

Iago pata totoloṉo tamuna zazu ne go ramu, muna lulua tamana ni sine go Buka tabo ne, “Muna mamaligara ne qira basoero ne gerena qo mamaligara nigo tanumu.”

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.

Judi 1:6

Muna nanao taru napua, aqeloro ne God iteke napu ne qira so karaputa mazala ro ria, do kakiaro ria iriki soko kaega, gonae i va kasi ne qirae de koko velaka ro ria. God i doki taru qira e seni mana taru qira qe bolu i rodoko, go tina za doka so ṉalu musaqara lavata God tina varitanae ne qira go osina basoero ne.

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.