Jemisi 2:14 - Vato Vari Vakameka Voru Ia Batu Ne

¹⁴ Ramu turaquro, ava pata velakana tane i zazu ne go basoe igo, “Era iko nava vaogoto igo,” do ogotona seko ia iki sadaka e kaega kaki pata izazu ne go. Avigo miki vaogoto tina vakavele go ia ba?

Jemisi 2:14 ပူးပေါင်းရင်းမြစ်များ

Matiu 5:20

Ma sine ne qamu pata ogoto ṉalu qamuki lulua kaega vatovato velaka i soko go God, gere qira ria vano Parisio mana vano tarove na tamana gogo ne, qamu ki mazala kaega tamuna keba zago de ikoego vari miasoka ia God.”

Luka 3:11

I vataule igo, “Basoe i kone go karua roku mara teke ne ia ni kaega nego kameka, mana ka basoe i kone go pata gege, mara kena.”

Luka 6:49

Do basoe i gata seko era do iki lulua kaega, i gere valeke i vadegere ze pua pade ia, iki sola vazunua kaega kutamana, gonae kiale ne i lama va sorua pade ne, mana i lete pabala vasakate pade iago.”

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Zazu Ria Apostoloro 8:13

Saimon, do ivaogoto napu mana taramuzina ia i bapitema i ko garogaro so Pilipi mana i lete poloso, ṉalu i mia zazu mazala ro mana zazu vari va poloso ro i zazu ne go Pilipi.

Zazu Ria Apostoloro 8:21

Aro iki tora go kaega tono zazu tavise go zazu dena, tanego puṉumu aro iki totoloṉo e kaega tarakenaqana God.

Leta Ia Pol I Karo Ne Qira Basoero Na Rom 2:25

Iago, ṉalu ramu qamu lulua go Tamana na kosi na tokama qamu ianae i zari to mazala na, do ṉalu qamuki lulua go kaega Tamana, i tora mamu kasi kosi bana so.

Kameka Korinti 15:2

Iato nae Tarama Velaka qa tarama ne qamu go. Ṉalu tamuna pala taru vanadua go Tarama Velaka ne, ramu tamuna za kavele, do ṉalu qamuki vanadua kaega Tarama Velaka ne, vaogoto ramu tina patavolomo so.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Kameka Timoti 4:8

Qiso ne i vamoqere tokama, ianae i velaka, do i lete velaka sivala tata vakaraputa go too kristiano ita, tanego ianae i mazala tavisi ne qitae ita topuna dia. Loborona too ninidena mana too ṉalu muzi go.

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Iburu 11:17

Abra-am i vaogote God, iato go i toqe ne komakoma ne na kameka sale ia Aisak, ṉalu God i pada ne ia. De koe Abra-am God i zazu ne ze pui ia, do Abra-am i vanama neso komakoma ne sale ia.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.

Jemisi 1:16

Iago turaquro, muna nanao luluse sauna pataro dena.

Jemisi 2:16

Avapata velakana qo zazu ne go aro go qo sine ne qira seko dena, “God ina vamakaolo qamu ramu muna ko velaka mana ṉaṉa velaka go,” do qamuki teke ne qira kaega pata iri soko, go tina tavisi ne go too ria.

Jemisi 2:18

Do kadigo kaki basoe tina go, “Kakiaro basoe iri vaogote so God, mana kakiaro iri zazu ne pata velaka.” Ṉalu igogo nae aro ono vamia zava era de igogo ia ni vaogote God igogo, do iki zazu ne kaega kaki pata velaka. Era ṉara vamia zigo aro pata velaka ro qa zazu ne go ni sadake go vaogoto era de ikoe go God.

Jemisi 2:26

Iago igerena napu so tokama, ṉalu madau ikasi ne go ia, tokama i le to. Mana qerena napu so vaogoto iki vasadake go kaega zazu velaka, vaogoto nae ile napu so go.

Karua Pita 1:5

Sauna to pata dena i zazu bana ne go Kristo, iago pala taru vanadua vaogoto dena de ikoego ia, mana rove na God go.