Jemisi 2:1 - Vato Vari Vakameka Voru Ia Batu Ne

¹ Ramu turaquro qamu vaogoto bana mego Batu ita Jesu Kristo i batu ne go osina menomeno. Kasi vine vakakavata qira basoero ne, tanego iki vari pada kaega vatovato ria ni sadaka go.

Jemisi 2:1 ပူးပေါင်းရင်းမြစ်များ

Matiu 22:16

Gonae iri turine qira kakiaro disipoloro ria mana kakia ro vano iri koego taotao ia Erode, iri za tana ne Jesu, iri go, “Valeke vari vatatana, remu qi rove aro qo kakia basoe totoloṉo. Mana qo vari vatatana ne pata ogoto de go vatovato ia God, mana qoki vakapata kaega nanao qira basoero.

Zazu Ria Apostoloro 10:34

Pita gonae i vatupia to sine na Tarama Velaka de iri koego basoero ne. “Ninidena era qa rove to, mana i ogoto bana, God iki va soso pata ne kaega basoe, God iva kameka ne qira so.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Zazu Ria Apostoloro 24:24

Taramuzina kavia musaqara, Pilix mana qole ia Drusila, qole ia i qole Jiu. Pilix i koru zaqe Pol, tanuna mana qole ia iru gatagata pasi Pol i pepeua de igogo vaogoto na Jesu Kristo.

Zazu Ria Apostoloro 7:2

Sitivini i vataule igo, “Turaquro, mana mamae ro, gata va era! Tarakenaqana go ia kazigarata ita Abra-am iara za koego Aran, damara na tatavata mazala ia God i sadake ia tepa Mesopotamia,

Leta Ia Pol I Karo Ne Qira Basoero Na Rom 1:11

Tanego i loda me to soko era qa soko go mia qamu, go ma teke ne qamu kavia nanao va karaputana madau qamu.

Kameka Korinti 2:8

Kaega kaki ria vano kenakenaqana kolabana pua dena, iri rove go tarove dena. Ṉalu go tara ria rove go, ria tariki paqipaqi ze kaega koluse Batu na rani ne.

Kolosia 1:4

Tanego qi gata de go vaogoto ramu de i koe go Jesu Kristo, mana de go mamaligara ramu de iri koego baso basoero ia God.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Kameka Timoti 5:21

Loborona tarakenaqana God mana Jesu Kristo mana aqelo tabo ro, qa pene va karaputa go, ono lulua vari vatatana dena. Oniki tavisi ne qira so ke qo soko tanumu, do ono varitora lupo ne qira so.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Jemisi 1:16

Iago turaquro, muna nanao luluse sauna pataro dena.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 2:3

Ramu tamuna vamazale so valeke i vakeba ne go roku menomeno ne, mana sine ne ia, “Lama kolokue de koko velaka ne,” do valeke situ ne tamuna sine ne ia, “Degere so nae ba lama kolukue so rikisina makequ era dena tamuna vane so.”

Jemisi 2:9

Do ṉalu ramu qamu vine vakakavata qira basoero ne, ramu qamu kebu, mana qamu vae tamana.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Judi 1:16

Basoero dena iri poro seko mana zaṉaṉa vapala qira eso basoero pataro, iri poro lulua so nanao sakata ro ria. Iri poro vazaka napu mana vae vale qira eso basoero ne seko vari vagasi ro ria, go mara ria pala qirae patapata ro ria basoero ne sauna tavisi ne qira tanuqira iri go.

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.