Jemisi 1:25 - Vato Vari Vakameka Voru Ia Batu Ne

²⁵ Do basoe i vanoto zaqe nanao na tamana totoloṉo ni lukasa qira go basoero ne, mana iki gata vanane kaega, do ilulua. Basoe nae tina pala makaolo de ikoe go God osina pataro izazu ne go.

Jemisi 1:25 ပူးပေါင်းရင်းမြစ်များ

Luka 11:28

Do Jesu i vataule ne ia, “Kula ria iri gata seko ia God, mana iri vaogote go!”

Tarama Velaka Ia Jesu Kristo I Karo Go Jon 13:17

Ramu qamu rove to pataro dena, tamuna kula sivala ṉalu qamu lulua go!

Tarama Velaka Ia Jesu Kristo I Karo Go Jon 8:36

Ṉalu sale ia God i vatalupasa qamu, ramu tamuna talupasa ogoto to.

Zazu Ria Apostoloro 13:43

Ṉalu basoero iri kasi lupo ne to de iri teṉoe go, topu ria vano Jiu mana vano iriki Jiu go kaega iri ko banae go lotu ria vano Jiu iri gabu ne qiru to Pol mana Banabasi. Iago karua apostolo iru vapepeu qira, mana sine vakaraputa qira go mara ria ko vanadue ruruqe ria loborona mana ia God.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Zazu Ria Apostoloro 26:22

Ba torana musaqara ninidena, God i tavisi nava era, mana iato go ninidena era qa degere go dena, qa sine pata ogoto sauqu tanuqu, de qamu koego ramu vano qamuki mazamazala go kaega mana vano qamu mazamazala go. Pata qa sine go era ne, i vari pada so pataro iri sine bana go ria propetaro mana Mosese, pataro tinara lama sadaka go.

Leta Ia Pol I Karo Ne Qira Basoero Na Rom 11:22

Ianae qata mia zaqe de igogo God i vari nanao mana i vari vakimata napu so go. God i vakimata qira ria iriki lulua go kaega vatovato ia. Do ṉalu ramu qamuki lulua go kaega, ia tina vatavarasa vakuziki napu ne qamu so go.

Leta Ia Pol I Karo Ne Qira Basoero Na Rom 2:13

Tanego, gata na so kaega Tamana basoe i totoloṉoe de ikoego God, do ia tina zazu ne mana lulu a go pata ro i sine go Tamana.

Leta Ia Pol I Karo Ne Qira Basoero Na Rom 7:12

Iago Tamana i tabo, mana seko na ro i tabo, iri totoloṉo, mana velaka lupo go.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Karua Korinti 13:5

Muna pada ne tanuqamu mana toere too ramu, go tamuna rove qamu vano vaogoto. Kadigo qamu rove Jesu Kristo ikoe loboro qamu? Ṉalu go qamuki rove go kaega ogoto sivala ramu ramu qamuki moqere to kaega varivose dena.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Qalesia 6:2

Muna tavisi ne makuru ia kene basoe, vatovato dena to tamuna valulu ze go ramu tamana ia Kristo.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kameka Timoti 2:15

Do qolero tarina pala vari vakavele loborona vapodo sale tarina vaego, ṉalu go i ko vanadu go vaogoto ria, iri mamaligara ne qira kero ne basoero, iri dalo mana iri nanao rove go.

Kameka Timoti 4:16

Mia tarua too mana vatovato aro Timoti, mia velake varivatatana aro, ba pata qo varivatatana nego. Ṉalu qo zazu taru neso karua pata dena, aro qo mazala to vakavele go tanumu mana ria iri gata go pataro qo sine go.

Iburu 12:15

Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Jemisi 2:12

Iago muna seko, mana zazu gere qira basoero iri koego varitanae ia tamana i lukasa bana qitae go God.

Kameka Pita 2:16

Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Kameka Jon 2:24

Iago muna soti vanadu ze puṉuqamu tarama qamu gata bana me kokosona ne. Ṉalu qamu sotia go tarama nae, ramu tamuna koe loborona vari vakameka ia Kristo, sale ia mana God Tamana go.

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.