Jemisi 1:22 - Vato Vari Vakameka Voru Ia Batu Ne

²² Kasi gatavana ne so, seko ia God qamu gata go, do muna zazu ne pata ni sine go.

Jemisi 1:22 ပူးပေါင်းရင်းမြစ်များ

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Luka 11:28

Do Jesu i vataule ne ia, “Kula ria iri gata seko ia God, mana iri vaogote go!”

Tarama Velaka Ia Jesu Kristo I Karo Go Jon 13:17

Ramu qamu rove to pataro dena, tamuna kula sivala ṉalu qamu lulua go!

Leta Ia Pol I Karo Ne Qira Basoero Na Rom 2:13

Tanego, gata na so kaega Tamana basoe i totoloṉoe de ikoego God, do ia tina zazu ne mana lulu a go pata ro i sine go Tamana.

Kameka Korinti 15:33

Miasoka iri niki go poqe qamue seko dena, “Ṉalu qata kameka zazu tavisi qira vano sakata, iri mazala vasakate na vatovato velaka ita.”

Kameka Korinti 3:18

Kaega ka basoe mara va bulaṉoe tanuna, ṉalu kaki basoe i nanao, i tarove ne patana ro pua dena, ia tina vana lupo ne tarove ia, mana vaqoqore tanuna go tina pala tarove igogo ne.

Kameka Korinti 6:9

Pata ogoto ramu qamu rove, basoero iri zazu ne too iki totoloṉo go kaega, tariniki pala kaega Too ikoego vari miasoka ia God. Iago kasi va bulaṉoe na tanuqamu, basoero iri vari vagabu mana iri vazaka go beku ro, ba taunata, valeke ro iri vari vagabu tanuqira go,

Qalesia 6:3

Ṉalu kaki basoe i nanao tanuna so i mazala igogo ne, i poqe so tanuna.

Qalesia 6:7

Kasi poqe na tanumu, tanego kaega ka basoe tina va bulaṉoe go God. Basoe tina pala napua so tanuna urena pata ni leba go.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Karua Timoti 3:13

basoero sakata iri zazu tatakiu go, iri poqe taru qira basoero ne, mana tanuqira do tarina vaogoto napua seko poqe ro iri zazu ne go.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Jemisi 1:26

Ṉalu basoe inanao i basoe lotu ogoto igo, do iki miasoka go kaega sekoro ia sauna vazaka ia de ikoe go God i pata volomo so, mana i vabulaṉoe so tanuna go.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Jemisi 4:17

Iago basoe irove go pata velaka itora go zazu nena, do iki zazu ne kaega igogo ne, i vasakata pata.

Karua Pita 2:13

Iago vokara tarina pala go mara gere volina vokara iri teke qira go basoero ne. Pata i vakula qira go zazu ne na, ia so pataro iva kula go tokama qira loborona musaqara. Ṉalu iri lama ṉaṉa tavisi qamu iri lete va agava qamu sauna too sakata ro ria, do tanuqira iri kula ne ria tane zuka tatakiuro ria ne!

Kameka Jon 1:8

Mana ṉalu ita qata sine go i kaega ne qita vasakata pata, ianae ita qata poqe napua so tanuqita, mana ikaega so ka pata ogoto i koe de qata koego.

Kameka Jon 2:3

Ṉalu kakia basoe igo, era qarove velake God igo do iki lulua go kaega Tamana igogo ne, basoe nae i poqe mana i kaega ne so ka seko ogoto de ikoego.

Kameka Jon 3:7

Ramu salero era, kasi vamao nena kakia basoe go mara poqe qamu go! Ka basoe i zazu ne pata totoloṉo, i totoloṉo to tarakenaqana God, gere go Kristo i totoloṉe go de ikoego God.

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”