Jemisi 1:21 - Vato Vari Vakameka Voru Ia Batu Ne

²¹ Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Jemisi 1:21 ပူးပေါင်းရင်းမြစ်များ

Matiu 5:5

Kula ria basoero iri va qoqore tanuqira, tarinara pala pata velaka ro i pui bana nego God.

Tarama Velaka Ia Jesu Kristo I Karo Go Jon 6:63

Spirit tabo ia God i sosovolomo nego too, karaputa ia basoe i makurua. Iato go sekoro era i va mazala qamue ramu toṉove na Spirit tabo i soso nego too.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Zazu Ria Apostoloro 10:33

Mana iato go qa vagaretu qira qo basoero nae, mana aro qo toqe velaka ne lama go. Ninidena remu qi lama teṉo ego dena tarakenaqana God, qemu piri ne gata na osina pata tono sine go aro, gerena so God ni teke bana nigo, go tono lama sine go.”

Zazu Ria Apostoloro 13:26

Ramu turaquro vano Izirel qamu reqe mego sinaqe ia Abra-am mana ramu topuro qamuki Jiu go kaega qamu vazaka go God. Ita to tane God i turine me ze go tarama dena go tina vakavele qita.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 11:17

Ramu to vano qamu ki Jiu go kaega qamu gere go moki olivi piru ne, do ṉalu ninidena ramu qamu pala tavise to vavagadona too velaka i reqeme go vano Jiu.

Leta Ia Pol I Karo Ne Qira Basoero Na Rom 6:17

Iago mata seka velaka ne God, tanego de i lupo bana mego ramu qamu seka ia vasakata pata. Do ramu qamu vaogoto ze puṉuqamu vatovato ogoto qamu pala ze go vari vatatana iri teke bana ne qamu go.

Kameka Korinti 15:2

Iato nae Tarama Velaka qa tarama ne qamu go. Ṉalu tamuna pala taru vanadua go Tarama Velaka ne, ramu tamuna za kavele, do ṉalu qamuki vanadua kaega Tarama Velaka ne, vaogoto ramu tina patavolomo so.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Epesus 1:13

Mana ramu napu to go qamu basoero ia God, ṉalu qamu qata go tarama ogoto ia ne. Iago Tarama Velaka tonae i pala ne qamu go vari vakavele. Ṉalu nae to ramu qamu vaogote Kristo, mana God i teke ne qamu Spirit tabo i pui ne go i sauna lalana go ia i tonovo qamu go.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Epesus 4:25

Iago, ramu muna mamanava sine na seko poqe! Osiqamu muna sine so seko ogoto, de iri koego kero ne vano lotu, tanego ita osiqita qata kamekae so loborona kameka tokamana Kristo.

Epesus 5:4

Iki tora kaega ramu muna sine go kaki seko sakata, ba seko qiso i sakata go gata na, do pata muna zazu ne go muna seko velaka zaqe God.

Kameka Tesalonika 1:5

Tanego ṉalu remu qimu pala zatu go Tarama Velaka de qamu koego ramu, remu qimuki seko volomo kaega, do i lama palua karaputa ia Spirit tabo, iata go remu qimu vasadake to, ogotona qimu vaogote go Tarama Velaka nae, mana ṉalu remu qimu kotavisi qamu ramu, ramu qamu rove pataro qimu zazu ne go remu, i sauna to velaka gamu ramu.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Taetusi 2:11

Tanego God ivasadaka bana Mana ia, go tina vakavele qira basoero na kolabana pua ne.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 4:2

Ita qata gata bana Tarama Velaka ne, gere na ria iri gata bana go. Ria iri gata bana go tarama ne, do tarama nae iki tavisi ne qira kaega, tanego iriki toqe ne kaega vaogoto na ṉalu iri gata go.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Jemisi 5:20

Ramu muna nanao tarua seko dena. Basoe ni vataleqe ule mego basoe ivasakata pata go, basoe tonae ivakavele go madauna basoe nae tepa ia le. Mana basoe tonae i papaqa go zuka ia God go tina nanao ule ne qira go vano iri vasakatapata go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 1:9

Tanego God i vakavele go madau qamu, iato nae tane pata i lete lavate go vaogoto raramu de ikoego ia.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.