Jemisi 1:2 - Vato Vari Vakameka Voru Ia Batu Ne

² Ramu turaquro, muna nanao rove tanuqamu, ramu qamu maṉana ṉalu qamu soba go soso adoadona makuru,

Jemisi 1:2 ပူးပေါင်းရင်းမြစ်များ

Zazu Ria Apostoloro 5:41

Pasi ria apostoloro ne iri kasi ne qira vano pepeu ne, iri lete kula, tanego God i vine qira tarina pala kimata tanego i sauna zazu ia Jesu.

Leta Ia Pol I Karo Ne Qira Basoero Na Rom 5:3

Ita mata kula napu ne ita tane makuru ro qata soba go dena, tanego ita gata rove makuru ro dena to tinara vanadu qita go ita,

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Pilipae 2:17

Vaogoto raramu de ikoego God, i gere kaki sosovolomo ramu, qata teke zaqe go God. Ṉalu tara vae vale ava era, mana parasaqu tara tazele mana palua sosovolomo ramu, ṉalu nae era tu kula mana tuna kena ze kula era de qamu koego osiqamu go.

Pilipae 2:18

Gerena napu so ramu, tamuna kula mana kena ze kulakula ramu deqa koego era go.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Jemisi 1:16

Iago turaquro, muna nanao luluse sauna pataro dena.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 5:11

Ita qata koru qirae ria, kula tanego iri konoto, mana vanadu ria nae tane vokara ro iri pala go iza vadoka qirae go ria valupolupona too ria. Ramu qamu gata bana de igogo Zobi. Topu pata makuru ilama dokae go de ikoe go, do ia ikonoto mana vanadue so de ikoe go God. Mana taramuzina God itavisi ne ia, tanego God ipurake manava mana varinanao de iri koego basoero ne.

Karua Pita 2:9

Iago osina pataro dena, God i va mia qirae ria basoero velaka de go ia tina vakavele qirae go pata makuru tina lama pada ne qira go. Do vano sakata ne, tina vakimata qira, go tina doka ṉalu tina vakimate go osina basoero ne.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.