Jemisi 1:19 - Vato Vari Vakameka Voru Ia Batu Ne

¹⁹ Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 1:19 ပူးပေါင်းရင်းမြစ်များ

Matiu 5:22

Do ma sine qamu, basoe i muma ne kaena ba togana gogone na pala vazao ze loborona varitanae. Basoe i seko sakate kaena ba togana nara vazao ze de iri koego vano gatagata pepeu go tarina va kimate ia. Basoe idamua kaena ba togana gogo ne, basoe nae tina zae loborona nako ne.

Maka 12:37

Iago Davita ikoru ze Batu ne i Batu ia. Ava tina gogo Mesia tina reqeme go popodo ia Davita?”

Maka 2:2

Iago basoero topu iri lama teṉoe pade ikoe ia, mana siporaṉa na pade ne i makuru to tinara siporo kebae go, tanego ilete purake to basoero dokae to peka na pade ne. Gonae Jesu itamana qirae basoero ne seko ia God.

Luka 15:1

Kaki kameka ṉalu topu ria vano palapala takisi mana vano sakata ro iri lama gata seko ia Jesu.

Luka 19:48

Do iriki soba kaega ka zuka go tarina zazu nego, tanego basoero ne iri lama tarue so dekoe Jesu, mana iri gata seko ro ia go. Iriki soko to kaega gata vana ne na kaki desuka, seko ro i sine go Jesu.

Zazu Ria Apostoloro 1:15

I sivala kavia musaqara vano iri vaogote go Jesu iri teṉo go, torana kameka vasa karabete ria, mana Pita i degere i seko.

Zazu Ria Apostoloro 10:33

Mana iato go qa vagaretu qira qo basoero nae, mana aro qo toqe velaka ne lama go. Ninidena remu qi lama teṉo ego dena tarakenaqana God, qemu piri ne gata na osina pata tono sine go aro, gerena so God ni teke bana nigo, go tono lama sine go.”

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Zazu Ria Apostoloro 17:11

Basoero na de gogo ne nanao qira i velaka sivala ne nanao qira vano Tesalonika. Iri lete soko gatana tarama ia Pol. Gonae iri lete gata vavelake mana osina musaqara iri toere tarua mana lukase pata ni sine go Buka tabo ne mana pataro i sine go Pol i ogoto sivala go.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Epesus 4:26

Ṉalu qamu muma, kasi vamao ne na muma ramu go mara kenaqa ne qamue sakata, mana kasi pala taruna muma ramu go tina dokae go kuse.

Epesus 4:31

Iago muna vana ne osina nanao sakata de ikoego kene basoe, ba nanao muma ba nanao vasakate na basoe. Kasi kara lapase basoe ba sine na pataro iva vokara qira qo basoero ne. Kasi zazu ne pataro iki totoloṉo go kaega.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kolosia 3:8

Do ninidena muna pala vakuziki ne osina pataro dena, muma, nanao vari va sasakatae. Kasi seko vasakate na kene basoe, ba kasi va siporo ze saqe mu seko ni damu go.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Jemisi 1:16

Iago turaquro, muna nanao luluse sauna pataro dena.

Jemisi 1:2

Ramu turaquro, muna nanao rove tanuqamu, ramu qamu maṉana ṉalu qamu soba go soso adoadona makuru,

Jemisi 1:26

Ṉalu basoe inanao i basoe lotu ogoto igo, do iki miasoka go kaega sekoro ia sauna vazaka ia de ikoe go God i pata volomo so, mana i vabulaṉoe so tanuna go.

Jemisi 2:1

Ramu turaquro qamu vaogoto bana mego Batu ita Jesu Kristo i batu ne go osina menomeno. Kasi vine vakakavata qira basoero ne, tanego iki vari pada kaega vatovato ria ni sadaka go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Jemisi 3:10

Avigo tane sekona varivakula mana seko na tulaṉa go iru kameka reqeme so kameka saqe gogo na? Ke ramu turaquro, vatovato igogo dena tarakasi sadaka me.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Jemisi 5:12

Ia qo turaquro, pata ilete lavata sivala go muna nanao tarua go ramu, igo dena. Ṉalu qamu odo odo ne go kaki pata kasi odoodo aqe rani ne, ba pua dena. Ṉalu qamu rove ramu i pata ogoto, igogo iane, “O, iogoto,” muna go, mana ṉalu iki ogoto go kaega iane, “Kaega,” muna go. Iato nae gogo God tiniki vantanae ne qamu go kaega.

Jemisi 5:19

Turaquro, ṉalu kakia basoe izaza rore kasi ne go vaogotona tarama velaka ne, muna pada ne pala vaule na ia.

Kameka Jon 2:21

Qa karo ne qamu leta dena, tanego qamuki rove kaega ramu pata ogoto iki go kaega nanaoqu; do tanego ramu qamu rove seko na pata ogoto, iago muna rove napua mara kaega kaki seko poqe mara reqemego seko ogoto.