Jemisi 1:17 - Vato Vari Vakameka Voru Ia Batu Ne

¹⁷ Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Jemisi 1:17 ပူးပေါင်းရင်းမြစ်များ

Matiu 7:11

Patavolomo ramu qamu ki vano totoloṉo kaega do qamu rove pata velaka so tamuna tekene sale ro ramu. Iago God Tamaqamu ikoe rani ne i lete velaka sivala go tina tekene qira pata velaka ria iri pene ze ia kakia pata.

Luka 11:13

Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”

Tarama Velaka Ia Jesu Kristo I Karo Go Jon 1:9

Iato dena tatavata ogoto, tatavata i lama ego kolabana pua ne mana i damara qira osiqira basoero ne.

Tarama Velaka Ia Jesu Kristo I Karo Go Jon 3:27

Iago Jon i vataule ne qira, “Ṉalu go God iki toqe ne go kaega, kaega so kaki pata tara vapuro go basoe.

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 8:12

Jesu i seko e de iri koego basoero ne, igo de, “Era to qa tatavatana kolabana pua ne, ka basoe i luluava era, ia tina toṉove tatavata na too, mana tiniki ara koe kaega rodoko go.”

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 5:31

God i pala vapopoka ze ia tepa matauna, mana i Batu na vari vakavele, go tina teke qira vano Izirel kavala, go tarina nanao ule mana vasakata pata ro ria tina talupasa.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Kameka Korinti 4:7

Akena tane i vine qamu ramu, qamu mazala sivala qira kero ne basoero ne na? Osina pata qamu toṉove go nae, God so i teke ne qamu. Iago avigo tane qamu vazakanapu nego, i gere pata qamu vazaria go tanuqamu.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 2:8

Tanego i sauna vaogoto ramu tane God i vakavele qamu go.

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Iburu 13:8

Jesu Kristo iki rove kaega kavala vatovato ia i varipada so, tupi me ṉalu bana ne, ninidena, mana tiniki rove kaega za lupo go

Jemisi 1:5

Do ṉalu kakia ramu ikaega ne go tarove, ia mara pene God, mana God ina teke ne ia, tanego soso ia ilete velaka sivala me de ikoego basoero topu.

Jemisi 3:15

Tarove igogo nae iki ireqeme kaega rani ne, do ireqeme so pua dena, mana iki ke ia kaega madau, do ike ia so Satana.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Jon 1:5

Ia dena to tarama qimu gata bana ze go de ikoego Tuna God go qimu sine vasadaka ne qamu go ramu. God i tatavata mana i kaega napu to ka rodoko iara koego de ikoego.

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.

Revaleson 21:23

Komala lavata dena, iki ara le ne kaega tatavatana saṉa ba inaqa, tanego karaputa mazala ia God i tatavata ego, mana Tunana Sipi ne, i pazi napu na komala nae go.

Revaleson 22:5

Komala dena tina kaega kuse na, iago iriki soko ze kaega tatavatana pazi ba saṉa go tina vatatavata ne go. Tanego tanuna God Batu ne tina tatavata ria, mana ria tarina batu lavata osina ṉalu topu ro ne.