Iburu 9:28 - Vato Vari Vakameka Voru Ia Batu Ne

²⁸ I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Iburu 9:28 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:28

iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Tarama Velaka Ia Jesu Kristo I Karo Go Jon 14:3

Taramuzina tuna za vanama lupo ne qamu de gogo ne, era tuna ule me mana lama lulu qamu, go tamuna garetu koego de qa reqe mego.

Zazu Ria Apostoloro 1:11

Mana iru go dena, “Ramu vano na Qalili, avigo tane qamu degere nae, mana reṉa popoka qe rani ne na? Iato Jesu i kasi ne qamu, mana izae go rani ne tina za lama napu, gerena so qamu mia go ipopoka za go rani ne ninidena.”

Leta Ia Pol I Karo Ne Qira Basoero Na Rom 3:25

God i valame Kristo go i komakoma ne go sauna le ia, go tina vakuziki ne go vasakata pata, go God tina nanao ule ne go vasakata pata ro ria basoero ne. Loborona vaogoto ria de ikoe go Kristo, God i zazu ne pata dena go mara vasadake totoloṉo ia Tanuna igo. De i lupo bana mego ia iki muma katikili kaega, mana i mia vana ne so vasakata pata ria vano basoero.

Leta Ia Pol I Karo Ne Qira Basoero Na Rom 5:15

Do iriki vari pada kaega tanego sosovolomo ia God i teke ne qita go iki gere kaega vasakata pata ia Adamo. Pata ogoto, vano basoero iri le bana, tanego sauna vasakata pata ireqe me de ikoe kameka basoe nae. Do Mana ia God ilete lavata sivala ne sosovolomo i teke volomo ne qira basoero topu, loborona Mana ia kameka basoe dena, Jesu Kristo.

Leta Ia Pol I Karo Ne Qira Basoero Na Rom 6:10

Mana kameka le i vae go nae i sauna to osina basoe, tanego le ianae i vakuziki ne karaputa ia vasakata pata mana too i pala go ninidena, ia i too kamekae de ikoego God.

Leta Ia Pol I Karo Ne Qira Basoero Na Rom 8:23

Do iki pataro nae so kaega iri dae go, ita vano basoe napu qata pala go Spirit tabo gerena sosovolomo kenaqa ia God i teke ne qita go, i dae napu so vokara i kome go loborona puṉu qita ṉalu qatara piri ne go God tina vatalukase go tokama qita, mana go tatana lama salero ogoto ia.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Kameka Korinti 1:7

iato go ramu qamuki mazala kaega va seki na desuka vatabo, gerena qamu piri nego Batu ita Jesu Kristo tina lama sadakae de qata koego.

Kameka Korinti 15:54

Ṉalu osina pataro dena tina lama sadaka, pataro i le go tina kavala mana tiniki rove to kaega le go, go Buka tabo ne tina lama ogoto, le i lupo to. God i vaqoqoro bana ia!

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Karua Tesalonika 2:1

Sauna lama napu na Batu ita Jesu Kristo, go tatana kameka teṉo tavise go ia ne, qa pene vakaraputa qamu turaquro.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Iburu 7:27

Ia iki gere qira kaega kero ne batu Patere ro iri zazu komakoma go osina ṉalu, kenaqana iri zazu komakoma ne tanuqira go tarina dalo mana taramuzina iri zazu komakoma ne va dalo na vasakata pata ria kerone basoero go. Do ia ne i zazu neso kameka komakoma, iato ṉalu i teke go tanuna de ikoego Tamana, mana komakoma dena i pata ko sivala go.

Iburu 9:25

Ṉalu batu Patere ria vano Jiu i keba za kova i lete tabo sivala osina ave, ia i pala za parasana pata qaraqara. Do Kristo iki za kaega topu na ṉalu, teke ivae ne too ia de ikoego God.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Karua Pita 3:12

Ṉalu ramu qamu ko piri ne go musaqara ia God, muna lete pada ne to zazu, go mara lama katikili musaqara nako tina subia vudu rani, go osina pataro iri koego rani ne tarina soro lupoe nako ne.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.

Judi 1:21

Mana taru vanadu qamu e loborona mamaligara ia God, mana ko piri e de ikoe go Jesu Kristo tina teke ne qamu manava, mana too iki rove go kaega lupo go.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.