Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Iburu 9:24 - Vato Vari Vakameka Voru Ia Batu Ne

24 Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

အခန်းကိုကြည့်ပါ။ ကော်ပီ




Iburu 9:24
32 ပူးပေါင်းရင်းမြစ်များ  

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.


Mana iri go dena, “Remu qi gata bana i sine go valeke dena, ‘Tanuna ne tina pero vasorua Pade Lotu lavata ne mana tina vadegere napua so taramuzina vapisana musaqara, kameka ke voru tiniki zazu ne kaega basoe,’ ” igo.


Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana.


Ṉalu i vatabo lupo qira, Jesu i kasi ne qira mana God i pala va popoka zaqe ia rani ne.


I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”


Ṉalu igogo nae nanao qamu, ava tamuna go ṉalu tamuna mia va era Tuna basoe na popoka ule za go de qa ko banae go?


Ia tina koeso rani ne, go tina doka so ṉalu osina pata tina va vorua go, gerena so God ni sine bana ne qira go ria propeta tabo ro ia ṉalu bana ne.


Akena to tina seko vasakata qira go basoero tavine ia God? Tanuna God to i sine vatatavata bana me, igo, iriki kebu kaega.


Remu qi rove ṉalu pade kavakava qata koego dena i tapapata, tokama qita ikoego pua dena tina mode, God tina vanama ze kaki pade tepa rani go tatana za koego. Komala i zazu ne tanuna tina ko sivala go.


Soti vanadu ze nanao qamu pata ro ikoego rani ne, kasi taru ze nanao qamu pata naro vudu pua dena.


Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.


Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.


Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.


Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.


Ia i zazu gere Batu ria patere loborona de i lete tabo go, loborona pade iri pala zaza ne go. Pade nae basoe iki zazu ne kaega, do tanuna God i zazu nego.


Zazu iri zazu nego patere ro i dudulena so pataro i zazu ego rani ne. I gere napua so de i koe Mosese, ṉalu God i sine ne Mosese dego zazu na pade iri pala zaza ne go, ia igo, “Ono mia velake zazu tono vae nego, ono valulu velaka ze so de qa va mia goe era popokona kubolo ne.”


Ṉalu God i teke ne Mosese varitoqe kenaqa ia, i ko palua kakia ro tamana de go vazaka na God. Mana i sine ne qira tarina zazu ne kameka Pade Lotu, i pade na so pua dena.


Pataro qatara pepeu lupo zaqe go, i varipadana so patana ro rani ne, tina rupe poka bana ze so parasa go tina dalo go. Do pataro ikoego rani ne, kaki komakoma i lete mazala sivala tane i mazala go vadalo na.


Iadena i lala na ṉalu ro dena, i talupase pataro iri teke zaqe God patere ro, mana pata qaraqara iri komakoma nego, i makuru tina lete vatotoloṉe too ia basoe nae de koe tarakenaqana God.


Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.


Kakia napu aqelo ne i pala go ebata qolu na insenisi ne i lama degere go sara ne, iri teke napu ne ia topuna insenisi go tina palu zaqe pepene ro ria basoero ia God, iri tavatavara zaqe go sara qolu ne tarakenaqana de kolokoloku batubatu ne.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ