Iburu 9:23 - Vato Vari Vakameka Voru Ia Batu Ne

²³ Pataro qatara pepeu lupo zaqe go, i varipadana so patana ro rani ne, tina rupe poka bana ze so parasa go tina dalo go. Do pataro ikoego rani ne, kaki komakoma i lete mazala sivala tane i mazala go vadalo na.

Iburu 9:23 ပူးပေါင်းရင်းမြစ်များ

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Tarama Velaka Ia Jesu Kristo I Karo Go Jon 14:3

Taramuzina tuna za vanama lupo ne qamu de gogo ne, era tuna ule me mana lama lulu qamu, go tamuna garetu koego de qa reqe mego.

Zazu Ria Apostoloro 23:15

Iago ramu, mana vano iri tavise go pepeu ne muna vazao seko ne batu ria vano Soldia na Rom, go mara lulu vaqoqoro me de qamu koego ramu Pol. Muna sine vamuraka ne ia, ramu qamu soko tana napu ne na ia, go mamu rove va velake zazao na too ia muna vane zaqe. Remu timuna vanama mana vae vale ia torana iara kaebo go lama dokae na de qamu koego ramu,” iri go.

Kolosia 2:17

Osina pataro igogo, i dudulena so pataro tinara za lama ṉalu muzi, ba Kristo i pata ogoto.

Iburu 10:1

Tamana ro ia Mosese, iki dudule ogoto na kaega pata ogoto ro i ko go, i gere so dudule na pata velaka ro tinara sadaka me. Kameka ado na so komakoma iri zazu nego osina ave, iago ava tina go tane Tamana na de go komakoma ro dena tina vatotoloṉo lupo qira go basoero iri lamae de i koe God na?

Iburu 10:4

Tanego parasana buluka mana nanikoti i makuru tina vatalupase go vasakata pata.

Iburu 8:5

Zazu iri zazu nego patere ro i dudulena so pataro i zazu ego rani ne. I gere napua so de i koe Mosese, ṉalu God i sine ne Mosese dego zazu na pade iri pala zaza ne go, ia igo, “Ono mia velake zazu tono vae nego, ono valulu velaka ze so de qa va mia goe era popokona kubolo ne.”

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.