Iburu 9:15 - Vato Vari Vakameka Voru Ia Batu Ne

¹⁵ Sauna to pataro dena, Kristo so tina vanama go varitoqe voru ne, go ria i koru bana qira go God tarina pala vatabo i too sivala, i pui bana nego God. Pataro dena tina mazala zazu, tanego Jesu i le banae koluse ne mana i vakavele bana qirae basoero tepa ia kebu ro iri zazu bana nego ara zazu i vae go varitoqe kenaqa ne.

Iburu 9:15 ပူးပေါင်းရင်းမြစ်များ

Matiu 19:29

Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Matiu 22:3

I turine qira vano zazu ia tarina za lulu me qira basoero i rave bana qira e tarina lama ego kelo ne, do iriki soko kaega lama.

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 25:36

qa sisinaqa, qamu teke nava baribari, qa mokoso, qamu miasoka va, qa koe loborona bara ne, qamu garetu tove ava go.’

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Luka 18:18

Kaki kameka valeke batu ria vano Jiu i tana ne Jesu, “Valeke vari vatatana vtlaka!” igo, “Avana to tuna zazu ne go era, go tuna pala go too iki rove go kaega lupo?”

Luka 22:20

Taramuzina iri ṉaṉa lupo i teke ne qira kapu mana igo, “Kapu dena ia to iva vorua go pui ia God, i soso ne parasaqu era, i tazele de qamu koego ramu.”

Tarama Velaka Ia Jesu Kristo I Karo Go Jon 10:28

mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Leta Ia Pol I Karo Ne Qira Basoero Na Rom 5:10

Ita qata kana bana ne God, do ia i vakameka napu ne qita ita, de ikoe tuna sauna le ia ne. Ninidena ita qata ko kameka de ikoe God. Iago pata ogoto sivala ita tatana kavale too ia Kristo.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Leta Ia Pol I Karo Ne Qira Basoero Na Rom 8:28

Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Leta Ia Pol I Karo Ne Qira Basoero Na Rom 9:24

Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Karua Korinti 3:6

Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

Qalesia 3:20

Do ninidena valeke izazue go de ikoego God mana basoero ne ikaega to, do tanuna so God i ko go.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Karua Tesalonika 2:14

Tarama Velaka qimu sine ne qamu go, God ikoru qamue ramu tamuna pala tavise go karaputa menomeno ia Batu ita Jesu Kristo.

Kameka Timoti 2:5

Tanego ita qata rove, kameka so God, mana iko napu kameka basoe i vakameka ne God mana basoero na pua dena, basoe nae to Jesu Kristo,

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 11:13

Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 6:13

Ṉalu God i zazu nego pui ia de koe Abra-am, ia i odo odo tina zazu bana neso pata i pui nego. Tanego i kaega napu kaki basoe i sivala ne ia, God iva zazua so vitoṉona tanuna ṉalu i odo odo go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Iburu 7:22

Pui i pala go Jesu i lama ogoto e de qata koego, i lete velaka, mana i sivala ne pui bana ne.

Iburu 8:13

Ṉalu God i seko ne varitoqe voru, talupasana ke kenaqa ne i bana to, mana pata i bana go mana i mode go, tina katikili za kaega so.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Iburu 9:16

Ṉalu kaki basoe i vanadua seko ia igo, “Ṉalu tuna le era, patapataro era tina toṉove basoe kakavata.” Seko dena i tatavata, ṉalu tina le to valeke dena tinara degere mego seko i vanadu bana go.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.