Iburu 9:14 - Vato Vari Vakameka Voru Ia Batu Ne

¹⁴ Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Iburu 9:14 ပူးပေါင်းရင်းမြစ်များ

Matiu 12:28

Ba era karaputa ia Spirit ia God tane qa kakale qirae go manuru sakata ro ne. Ianae i vasadake Too ikoego vari miasoka ia God i lama bana ne qamu to.

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 7:11

Patavolomo ramu qamu ki vano totoloṉo kaega do qamu rove pata velaka so tamuna tekene sale ro ramu. Iago God Tamaqamu ikoe rani ne i lete velaka sivala go tina tekene qira pata velaka ria iri pene ze ia kakia pata.

Luka 1:74

I pui bana tina vakavele qitae, de iri koego vano iri kana ne qita mana i vamalumu ne qita tatana ke ia, mana mata kasi sareki ne ia.

Luka 12:24

Mia qira pale ro iriki zazu barue kaega, ba za pala me ze na pata gege barue. Mana i kaega ne qira pade go tarina taru ze go pata gege. Do God i puara qira, ba ramu go qamu lete sivala ne qira pale ro ne.

Luka 12:28

God iva baribari qira go seuseu piru iri ko ninidena mana za kaega so bakubaku, iri subi qira aqe puluma na nako ne. Iago qamu nanao God tiniki va baribari qamu kaega? I lete suka so vaogoto ramu.

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Zazu Ria Apostoloro 1:2

mana idokae go musaqara ipopoka za go rani ne. Tarakenaqana Jesu ipopoka za go rani ne, loborona karaputa ia Spirit tabo, ia i vatatana qira basoero i vine bana qira go tarina apostoloro ia.

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 14:15

“Ramu, avigo tane qamu vele zazu ne go komakoma dena? Raru qaru basoe gere qamu so ramu! Raru qaru lama, go taruna sine vasadake Tarama Velaka ia God, go tamuna tarua go vazaka na pata volovolomo ro nae, mana vazaka God ni too sivala go, ni vazaria go rani, pua, masi, mana osina pataro ikoego loborona.

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Leta Ia Pol I Karo Ne Qira Basoero Na Rom 1:20

Pasi God i vazaria go vudu pua basoero iri mazala to nanao rovena karaputa ia i ko gadokutona i kaega, mana iato i God go. Iago basoero ne iri mazala to nanao rove zena God sauna pataro iri mia i vazaria go dena. Iago basoero ne mara kasi ara vavarito napu nena.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Leta Ia Pol I Karo Ne Qira Basoero Na Rom 11:12

Vasakata pata ria vano Jiu nae to i valame go makaolo de iri koego vano na vudu pua, mana situ na madau qira vano Jiu, God i valame ze makaolo de iri koego vano iriki Jiu go kaega. Iago ṉalu vano Izirel tarina taleqe ule mego de ikoego God, tina lete lavata sivala to makaolo tina lamae go de qata koego.

Leta Ia Pol I Karo Ne Qira Basoero Na Rom 11:24

Iago ramu vano qamu ki Jiu go kaega qamu gere paqarana moki olivi piru i tavarasa bana go. Ramu vano Jiu to gamu gere go moki olivi iri leba go. Mana God i malumua so tina soma vaule zaqe paqarana moki olivi ni tavarasa banae go moki ogoto na ne.

Leta Ia Pol I Karo Ne Qira Basoero Na Rom 6:13

Mana kasi ara va malumu nena kaki takoborona tokama qamu go tamuna lulua go vatovato sakata. Do muna teke lupo ne God too ramu, mana gere qira basoero iri le bana, go God i vatoo napu qira go. Muna teke lupo ze too ramu de i koe ia, go ia mara vazazu qamue ramu too totoloṉo.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Kameka Korinti 15:45

Iato go Buka tabo ne i sine, “Basoe kenaqa Adamo, God i vazaria ia i teke ne too na vudu pua dena,” do Adamo i lama muzi go God i teke ne ia Spirit i soso ne too.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Qalesia 2:19

Tanego Tamana ivae ava era, go era tuna too e deikoego God. Iato nae tanego iri vae vale palu zave go era Kristo koluse ne.

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Kameka Tesalonika 1:9

Tanego basoero dena iri sine lupo bana so ria osina pata i sadake go, ṉalu remu qimu lama tove qamu go ramu mana de igogo qamu vana ne go vazaka na beku ro ne mana qamu lama basoe zazu ia God, i too osina ṉalu topu ro ne.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 10:12

Do Kristo i zazu neso kameka komakoma, mana komakoma ia dena i koe karaputa go tina vatalupase go vasakata pata mana taramuzina nae ia i za kolokue tepa karisi matauna God.

Iburu 10:2

Ṉalu basoero iri vazaka go God, iri vadalo ze too ria tepa ia vasakata pata, ria tariniki ara agava ne kaega vasakata pata ro ria, mana osina komakoma ro iri za zazu ne go tina mamanava lupo go.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 11:21

Jekop i vaogote God, iato go i vatabo qiru karua sale ia Josepo ṉalu i garo garo go le, ia i soso vatabo qiru. Ia i Tatadane moki sisikulu ia mana i vazaka God.

Iburu 13:12

Gerena napu so, Jesu i le taramuzina komala lavata ne, go tina vadalo qirae basoero ne parasana tanuna.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 6:1

Ita mata ziki napu za, mata pala varivatatana i tora qira go vano i lavata bana go vaogoto ria, mana mata taru ze muzi qita varivatatana qata gata kenaga bana go. Mata kasi varivatatana napu ne pata qata rove bana go, gere dego qata mazala go vana ne vatovato sakata ro i mazala go vae vale qita, mana dego qata mazala go vaogote na God.

Iburu 7:16

Go iara Patere go, iriki vine ze kaega ia loborona tamana ria vana basoe ba vivine tusi, na sinaqe na patere go, do ia i patere e loborona karaputa na too iki rove go kaega lupo.

Iburu 7:27

Ia iki gere qira kaega kero ne batu Patere ro iri zazu komakoma go osina ṉalu, kenaqana iri zazu komakoma ne tanuqira go tarina dalo mana taramuzina iri zazu komakoma ne va dalo na vasakata pata ria kerone basoero go. Do ia ne i zazu neso kameka komakoma, iato ṉalu i teke go tanuna de ikoego Tamana, mana komakoma dena i pata ko sivala go.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.

Iburu 9:7

do loborona varuana kova ne, Batu ria so patere i mazala go zae na, do kameka ṉalu so loborona kameka ave. Ṉalu i keba za, ia i pala za parasa na pata qaraqara go tina teke ne God, go tina valupo ze vasakata pata ia tanuna mana vasakata pata ria basoero iri zazu ne do iri ki rove kaega i vasakata pata go.

Iburu 9:9

Iadena i lala na ṉalu ro dena, i talupase pataro iri teke zaqe God patere ro, mana pata qaraqara iri komakoma nego, i makuru tina lete vatotoloṉe too ia basoe nae de koe tarakenaqana God.

Kameka Pita 1:19

Kaega, ia i voli qamue ramu parasa velaka sivala na Kristo, Kristo i gerena sipi iri komakoma nego i kaega ne kaki sakata.

Kameka Pita 2:22

Ia iki zazu ne kaega kaki pata sakata mana kaega kaki seko poqe i va siporo ze saqe na go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.