Iburu 7:27 - Vato Vari Vakameka Voru Ia Batu Ne

²⁷ Ia iki gere qira kaega kero ne batu Patere ro iri zazu komakoma go osina ṉalu, kenaqana iri zazu komakoma ne tanuqira go tarina dalo mana taramuzina iri zazu komakoma ne va dalo na vasakata pata ria kerone basoero go. Do ia ne i zazu neso kameka komakoma, iato ṉalu i teke go tanuna de ikoego Tamana, mana komakoma dena i pata ko sivala go.

Iburu 7:27 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 6:10

Mana kameka le i vae go nae i sauna to osina basoe, tanego le ianae i vakuziki ne karaputa ia vasakata pata mana too i pala go ninidena, ia i too kamekae de ikoego God.

Epesus 2:22

Loborona ko kameka ramu de ikoego Kristo, God i vakameka palu qamue ramu de iri koego kero ne vano lotu, go i varisoma ne qamue ramu kameka Pade Lotu ia God de ikoego Spirit tabo ia.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 5:1

God i mazala vine na kaki valeke loboro qira basoero iago tina batu ria go patere ro. Zazu ia basoe nae tina osaka ne God, mana degere ne qira basoero go, zazu ia tina komakoma mana teke God sosovolomo, sauna vasakata pata ro ria basoero ne.

Iburu 5:3

Tanuna do i pela napu so, iago ia tina zazu ne komakoma, iki sauna so kaega vasakata pata ria basoero, do vasakata pata napu ia tanuna go.

Iburu 8:4

Ṉalu go tara koego pua dena, ia tara ki patere kaega, tanego topu patere iri ko mana iri teke komakoma ria de ikoego God, lulua so dego Tamana ia Mosese.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Iburu 9:25

Ṉalu batu Patere ria vano Jiu i keba za kova i lete tabo sivala osina ave, ia i pala za parasana pata qaraqara. Do Kristo iki za kaega topu na ṉalu, teke ivae ne too ia de ikoego God.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Iburu 9:7

do loborona varuana kova ne, Batu ria so patere i mazala go zae na, do kameka ṉalu so loborona kameka ave. Ṉalu i keba za, ia i pala za parasa na pata qaraqara go tina teke ne God, go tina valupo ze vasakata pata ia tanuna mana vasakata pata ria basoero iri zazu ne do iri ki rove kaega i vasakata pata go.