Iburu 7:25 - Vato Vari Vakameka Voru Ia Batu Ne

²⁵ Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 7:25 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 14:13

Mana ṉalu qamu pene ze kakia pata loborona vitoṉoqu, era tuna teke ne qamu. Go karaputa mazala ia Mamae tina sadake loborona sale ia.

Tarama Velaka Ia Jesu Kristo I Karo Go Jon 14:16

Era tuna pene zaqe Mamae, go tina teke ne qamu kameka basoe vari vatatavisi go tina ko tavisi qamu osina ṉalu.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Leta Ia Pol I Karo Ne Qira Basoero Na Rom 5:10

Ita qata kana bana ne God, do ia i vakameka napu ne qita ita, de ikoe tuna sauna le ia ne. Ninidena ita qata ko kameka de ikoe God. Iago pata ogoto sivala ita tatana kavale too ia Kristo.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 8:34

Iago, i mazala so kaki basoe tina seko vaqoqoro qira go ba? Kaega! Tanego tanuna to Jesu Kristo ile bana, mana i too napu me go tepa lene, mana i za koe go karisi matauna God, do iki seko vaqoqoro qira kaega, do ia i pene vakaraputa ne qitae de ikoego God.

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Epesus 3:20

Tanuna so God i mazala go zazu lupo ne na osina pata topu, sivala ne osina pataro qata pene go, ba qata nanao go.

Pilipae 3:21

Ia tina kavale too memelaka na tokama qita, mana tina va gere ze tokamana tanuna ni velaka mana tabo go. Tina vazazua karaputa ia, go osina pata tina koe so polana vari miasoka ia.

Kameka Timoti 2:5

Tanego ita qata rove, kameka so God, mana iko napu kameka basoe i vakameka ne God mana basoero na pua dena, basoe nae to Jesu Kristo,

Karua Timoti 1:12

Pata nae to era qa gata vokara ne go de, do qaki agava ne kaega, tanego qa rove velake basoe qa vaogote go. Mana qa rove ia tina miasoka velake Tarama Velaka dena i taru ze de qa koego, go tina za doka so musaqara muzimuzi go.

Iburu 11:6

Kaega ka basoe i mazala vakula na God ṉalu ia iki vaogote kaega ia, tanego basoe i soko go lama garogaro na God, ia tina vaogote God i ko, mana tina vaogote God tina tekene qira voli ria iri taqia go tanuna go.

Iburu 13:15

Iago ita mata vazaka tarua God, gerena komakoma ita de ikoego Jesu, mata vasadake ia i Batu ita, mata sine vasadaka ze pepesu qita go.

Iburu 2:18

Mana ninidena Jesu i mazala to bara ne qira basoero i lama pada ne qira go Satana, tanego Satana do i pada bana ne ia, go i vokara bana go.

Iburu 2:9

Do ita qata mia Jesu, iato Jesu dena God i taru ze ia pola qira aqelo ro desuka so ṉalu, go ia loborona manava ia God, ia tina le sauqira osiqira basoero. Ninidena qata mia ia God i vazakazaka vitoṉona mana i teke ia karaputa mazala ia, tanego i sauna to le i vokara ne go.

Iburu 5:7

Ara too i vaego Jesu vudu pua, ne, ia i dae valavata mana i sone matana ṉalu i pepene ne tanuna mana kero ne basoero de i koego God, go mara vakavele ze ia tepa ia le. God i gata ia tanego Jesu i vaqoqore tanuna de koe God mana i osaka ne God go.

Iburu 7:16

Go iara Patere go, iriki vine ze kaega ia loborona tamana ria vana basoe ba vivine tusi, na sinaqe na patere go, do ia i patere e loborona karaputa na too iki rove go kaega lupo.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Iburu 7:24

Do Jesu i ko osina ṉalu, mana zazu patere ia ki ara vakava ze kaega kaki basoe go.

Iburu 7:8

Ria patere ro iri pala ze vamanoga na pata pataro ria basoero, do patere ro nae iri basoe so, mana tarinara le so go. Do Melkizadek i pala ze go vamanoga pataro de ikoego Abra-am Buka tabo ne igo, “Ia i too sivala.”

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.