Iburu 6:20 - Vato Vari Vakameka Voru Ia Batu Ne

²⁰ Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Iburu 6:20 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 8:34

Iago, i mazala so kaki basoe tina seko vaqoqoro qira go ba? Kaega! Tanego tanuna to Jesu Kristo ile bana, mana i too napu me go tepa lene, mana i za koe go karisi matauna God, do iki seko vaqoqoro qira kaega, do ia i pene vakaraputa ne qitae de ikoego God.

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 2:10

God i vazaria go osina pata mana i bara ne tanuna go, i soko pala qira salero ia tarina lama teṉo tavise ia tepa rani ne. Iago i totoloṉo so i vazakazaka ze Jesu zuka igogo ne i vokara go tina vakavele qira go basoero iri lulua go ia.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Iburu 5:10

Mana God i vasadake Jesu i batu ria patere ro, loborona sinaqe patere ia Melkizadek.

Iburu 5:6

I sine napu ze kaki dia Buka tabo ne, “Aro tono ko patere osina ṉalu, loborona sinaqe patere ia Melkizadek.”

Iburu 8:1

Iato dena kutamana pata qi pada nego pepeu na, igo de, ita i ko ne qita batu Patere ita i koloku e tepa matauna God i lete karaputa sivala go.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.

Kameka Jon 2:12

Qa karo ne qamu salero era, tanego God i nanao ule ne vasakata pataro ramu, iato iva doka ze go le ia Kristo.