Iburu 6:17 - Vato Vari Vakameka Voru Ia Batu Ne

¹⁷ God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Iburu 6:17 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:10

Valeke sikosiko, i lama go tina siko, vae vale basoe mana vari vasasakata go. Do era qa lama, go tamuna pala too ogoto, too dena i purake topuna pata velaka ro.

Leta Ia Pol I Karo Ne Qira Basoero Na Rom 11:29

Tanego ṉalu God i vine go basoe, mana i teke ne vatabo ia gogo ne, God iki ara kavale kaega nanao na.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 11:9

Loborona vaogoto ia, i za ko gere qira vano na vudu kakavata loborona vudu i pui ne go God. I koe so loborona pade iri pala zazao ne, gere qiru so Aisak mana Jekop iru pala napua so pui i gogo ne de ikoego God. Osiqira tarapisa ne iri vapade neso pade iri pala zazao ne go.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Iburu 6:16

Ṉalu kaki basoe i odo odo go, ia tina vitone basoe i mazala sivala ne tanuna, mana odo odo nae tina vabule go osina vari valegu go.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Pita 3:7

I gerena napu so ramu valeke ro busi, too ramu de iri koego qole ro ramu, ramu muna mia rove qira qolero, tokama qira iki karaputa gere qamu kaega ramu. Iago muna va velaka ne qira, tanego ria tarina pala tavisi qamue ramu sosovolono na too ia God. Ṉalu qamu zazu ne ia dena kaega kaki pata tina sida me zego pepene ramu.