Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Iburu 5:14 - Vato Vari Vakameka Voru Ia Batu Ne

14 Do ka basoe i ge go patagege i magoro ne, i basoe lavata to, imazala to mia rove na pataro i sakata go, mana pataro i velaka go.

အခန်းကိုကြည့်ပါ။ ကော်ပီ




Iburu 5:14
24 ပူးပေါင်းရင်းမြစ်များ  

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”


Muna vavelaka ne basoe i memelaka go vaogoto ia. Kasi vari valegu ne na pata i reqeme go nanao na basoe nae.


I ogoto era qa tarama ne tarove de iri koego vano iri kazigarata go mana i karaputa go vaogoto ria. Do iki tarove na kaega kolabana pua dena, ba tarove ria vano iri kenaqa ne go kolobana pua dena, batu ro nae karaputa ria tina i za qoqoro so.


Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.


Loborona to vatovato dena osiqita tatana lama kamekae go vaogoto ita, mana rove na qata salero ia God. Mana ṉalu ita tatana basoe kazigarata, ita tatana lama dokae go tutukununa too totoloṉo sivala ia Kristo.


Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.


Do osina pataro dena muna toere velake tekere ia, munara lulua go ke i velaka go.


Oniki gata pepeu volovolomo vari vaqoqo ro ria, tanego iki pata ogoto kaega. Do ono pada ne va karaputa na too kristiano aro.


Ita mata ziki napu za, mata pala varivatatana i tora qira go vano i lavata bana go vaogoto ria, mana mata taru ze muzi qita varivatatana qata gata kenaga bana go. Mata kasi varivatatana napu ne pata qata rove bana go, gere dego qata mazala go vana ne vatovato sakata ro i mazala go vae vale qita, mana dego qata mazala go vaogote na God.


Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ