Iburu 4:15 - Vato Vari Vakameka Voru Ia Batu Ne

¹⁵ Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Iburu 4:15 ပူးပေါင်းရင်းမြစ်များ

Matiu 12:20

Ia tina va meloto ne qira vano iri pela go, mana tina manava ne qira ria i pela go nanao qira mana too ria go. Tina goso nae goza doka so ṉalu osiqira basoero ne tarina zazu ne vatovato totoloṉo ro.

Matiu 4:1

Spirit tabo i kenaqa ne Jesu i vazao ze de i kaega pata podopodo lavata naro, go Satana tina padane ia.

Luka 22:28

Ramu qamu ko vanadu e de qa koe go era, loborona topu makuru qa soba go.

Luka 4:2

Gonae Satana i pada ne ia torana vasiṉaulu musaqara. Ṉalu nae Jesu iki ṉaṉa so kaega. Va lupolupo na to nae Jesu i lete saqo.

Tarama Velaka Ia Jesu Kristo I Karo Go Jon 8:46

Avigo kakia ramu dena, qamu mazala vasadake na, era qa vasakata pata? Ṉalu era qa sine so pata ni ogoto go? Avigo tane qamuki vaogoto ava go kaega era na?

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Iburu 7:26

Jesu to i batu Patere ita tina tavisi ne qita go. Ia i tabo, i kaega ne kebu ba vasakata pata, God i taru vakakavata ze ia de iri koego vano vasakata pata go, mana God i taru vakakavata ze ia rani ne.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Kameka Pita 2:22

Ia iki zazu ne kaega kaki pata sakata mana kaega kaki seko poqe i va siporo ze saqe na go.

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.