Iburu 2:3 - Vato Vari Vakameka Voru Ia Batu Ne

³ Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 2:3 ပူးပေါင်းရင်းမြစ်များ

Matiu 23:33

Qamu gere dole ne, tuna ro dole pani! Avigo? Tamuna paqa nego ramu kimata ia God i vanama ne qamue go nako ne?

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Maka 1:14

Taramuzina iri taruze go Jon bara ne. Jesu izae Qalili mana i tamana ne Tarama Velaka ia God.

Luka 1:2

Iri karo va lulu ze so, pataro iri sine bana ne qita go, ria iri za mia bana mego, kokoso va tupiana na me, mana ria iri vasadake go seko ro dena.

Luka 1:69

I valame kakia basoe tina vakavele qita. Ia i valeke, ireqe me sinaqe ia Davita valeke seka ia.

Luka 24:19

‘Avapatana?” igo Jesu. Iru vataule, iru go, “De iri vane go Jesu na Nazaret, valeke dena i kaki propeta, osina zazu ro ia mana seko ro ia i lete velaka sivala e tarakenaqa na God, mana de iri koego basoero topu go.

Tarama Velaka Ia Jesu Kristo I Karo Go Jon 15:27

Mana ramu to tamuna sine ne qira go basoe ne sauqu era go, tanego ramu to qata kameka go ṉalu qa vatupia go era zazu dena.

Zazu Ria Apostoloro 2:22

Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu.

Zazu Ria Apostoloro 4:12

Vari vakavele, ireqe me so de i koe go tanuna Jesu, osina dia kolabuna vudu pua i kaega napu kaki basoe, do tanuna to Jesu, God iteke ne qita go tina vakavele qita go.”

Leta Ia Pol I Karo Ne Qira Basoero Na Rom 11:14

Kadigo era qa va qora qira basoero na sinaqe era tanuqu sau qamu ramu, ianae ne era qa soko go kakia ro ria mara vakavele qira God qa go.

Leta Ia Pol I Karo Ne Qira Basoero Na Rom 2:3

Do aro vakitaka era qo zazu napu ne so tanumu pata qo varitanae ne ze go de iri koego basoero ne, iago qo nanao qo mazala paqa ne na varitanae ia God?

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Kameka Tesalonika 5:3

Basoero ne tarina go de, “Ninidena i kaega ka pata vari va sareki, iago ita qata ko velaka so.” Do goso nae varivasakatae i doka qira, mana i makuru qira tarina paqa ne. Tina gere qole i poloso ne vokara i pala go, ṉalu i vanama nego vapodo na sale ia.

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Taetusi 2:11

Tanego God ivasadaka bana Mana ia, go tina vakavele qira basoero na kolabana pua ne.

Iburu 1:1

Ṉalu bana ne, God i seko tabe qira vano ṉalu bana ro ita topu na ṉalu, loborona topu na dia de iri koego propeta ro ne.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 12:25

Iago muna miasoka, muniki kasia gata na seko ia God, ria iri kasia go gata na seko ireqe me de ikoego God, i makuru tarinara paqa go. Iago, avigo tatana paqa ne go lepulepu, ṉalu qata tabali kakamu ne ia, ṉalu i seko me tepa rani na?

Iburu 4:1

Aria pui i teke qita go God, tatara ziṉo ego de ikoego ia, iara ko taru so. Iago ita mata miasoka velake, niki go kakia ramu za dokae kaega de i pui bana ne go God.

Iburu 4:11

Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Kameka Jon 1:1

Remu qimu karo ne qamu ramu sauna ia iri vitoṉo ze go Seko na too. Ia iko bana me so tarakenaqana iara zari go vudu pua. Remu qimu gata bana seko na, mana mia bana ze mata qemu. Ove, qimu mia mana siba zeto karisi qemu go.

Judi 1:17

Do ramu turaquro, muna nanao tarua pataro iri sine bana ne qamu go ria apostoloro ia Batu ita Jesu Kristo.

Revaleson 7:10

Basoero dena iri koru valavata, iri go, “Vari vakavele ita, i reqeme de ikoego God ita i koloku ego de kolokoloku ia, mana Tunana Sipi ne go.”