Iburu 13:20 - Vato Vari Vakameka Voru Ia Batu Ne

^20-21 Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 13:20 ပူးပေါင်းရင်းမြစ်များ

Matiu 26:28

iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Maka 14:24

Jesu igo, “Iadena i parasaqu, i tazele ne vakavele qira osiqira basoero ne, parasaqu dena i vanadua go vari toqe ia God.

Luka 22:20

Taramuzina iri ṉaṉa lupo i teke ne qira kapu mana igo, “Kapu dena ia to iva vorua go pui ia God, i soso ne parasaqu era, i tazele de qamu koego ramu.”

Tarama Velaka Ia Jesu Kristo I Karo Go Jon 10:11

Era to qa valeke miasoka sipi velaka, mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 10:14

Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go.

Zazu Ria Apostoloro 13:30

Do God ivatoo napu me ia tepa lene.

Zazu Ria Apostoloro 17:31

Tanego God i vine bana kameka musaqara tina zazu nego varitanae ia de iri koego basoero na kolabana pua ne. Tina zazu ze loborona totoloṉo. Ia tina vazazua kameka basoe i vine bana go, basoe nae to Jesu, mana i vasadaka velaka bana ne qita go, tanego i vatoo bana ze ia tepa le ne.”

Zazu Ria Apostoloro 2:24

Do God iva too me ia tepa le ne, mana i lupasa ze ia karaputana le, mana le ne tiniki ara qolo tarua kaega ia.

Zazu Ria Apostoloro 2:32

God i vatoo napu me Jesu dena tepa le ne, mana remu qimu mia ze mata qemu pata dena.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Zazu Ria Apostoloro 4:10

I tora to osiqamu, mana vano Izirel muna nanao rove, valeke dena i velaka to, mana idegere go tarakenaqa qamu ninidena, tanego i zazu ia karaputa na vitoṉona Jesu Kristo na Nazaret, ia qamu paqipaqi ze go kuluse ne, do God i vatoo me ze ia tepa lene.

Zazu Ria Apostoloro 5:30

God iri vazaka bana go vanovano bana ita ro, i va too ze Jesu tepa le, taramuzina ramu qamu vae vale go ia qamu paqipaqi ze ia koluse ne.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Leta Ia Pol I Karo Ne Qira Basoero Na Rom 10:7

Mana kasi sine napu na, “Akena tane tina qoqoro zago uṉana go tina lulu vapopoka mego Kristo tepa le ne?”

Leta Ia Pol I Karo Ne Qira Basoero Na Rom 15:33

Iago, era qa pene God ireqeme too bulebule qata pala go mara kotavisi qamu osina ṉalu topuro ne. Amen.

Leta Ia Pol I Karo Ne Qira Basoero Na Rom 16:20

Tiniki umata kaega God na bule tina teke ne qamu karaputa go tamuna vaqoqore go Satana. Mana ia Batu ita Jesu Kristo tina kotavisi qamu.

Leta Ia Pol I Karo Ne Qira Basoero Na Rom 8:11

God i vatoo napu me Jesu tepa le ne, iago ṉalu Spirit ia God ikoego loboro qamu. God tina teke napu ne too tokama qamu tinara za le go. Ia tina zazu ne ia dena, tanego Spirit ia ikoe loboro qamu ramu.

Kameka Korinti 14:33

Tanego God iki soko qitae kaega tatana vaevato, do i soko tatana ko kameka va velaka. Gere qira so osiqira basoero na eklesia ia God.

Kameka Korinti 15:15

Sivala napu ne ia igogo, ṉalu remu qi poqe ne God, qi sine go, iva too me Kristo tepa le ne do ṉalu go vano iri le tariki too me kaega, God tariki vatoo napu me kaega Kristo.

Kameka Korinti 6:14

God i vatoo ze Jesu tepa le, mana tina va too napu qita ita loborona karaputa ia.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Karua Korinti 4:14

Ita qata rove, God iva too ze Jesu tepa le, qata rove napua ia tina vatoo qita ṉalu tatana le, gerena i vatoo go Jesu. Mana tina pala qemu remu, mana ramu, go tatana za koe tarakenaqana Jesu.

Qalesia 1:1

Era Pol, kokoru qapala go iki reqeme kaega basoe ba vatovato ia basoe, do i reqeme de ikoego Jesu Kristo mana God Tamaqita, ivatoo napu me Jesu tepa lene.

Epesus 1:20

God i vazazua go i vatoo ze go Jesu tepa le ne. God ipala vapopoka ia mana i vakoloku ze tepa matauna tanuna tepa rani ne.

Pilipae 4:9

Muna vazazua pataro qamu rove go, mana qamu pala vakava ve era, seko ro era mana zazu ro era go. Mana God na teke ne qita go bule ia tina ko tavisi qita osina ṉalu.

Kolosia 2:12

Tanego ṉalu qamu bapitema, ramu qamu vou palua Kristo, mana loborona bapitema qamu too palu napua Kristo, loborona vaogoto ramu de koe zazu mana karaputa ia God, i vatoo ze go Kristo tepa ia le ne.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Karua Tesalonika 3:16

Qa pene Batu ita, tanuna i kutama ne go bule mara teke ne qamu bule osina ṉalu, loborona topu na zukazuka ro go. Batu ne mara kotavisi qamu osiqamu.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 9:20

Mana i sine, “Iadena to parasa i lete vanadua go varitoqe ia God, igo, tamuna vaogote mana lulua go.”

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 2:25

Ramu qamu gere qira sipi ro iri rore, iri va rore go zuka ria, do ninidena ramu qamu ule napu me de ikoego valeke miasoka sipi, mana i miasoka madau qamu go.

Kameka Pita 5:4

Mana ṉalu tina sadaka me valeke miasoka sipi velaka sivala ne, ramu tamuna toṉove sasarapa velaka sivala i ko sivala osina ṉalu topu ro ne.