Iburu 13:17 - Vato Vari Vakameka Voru Ia Batu Ne

¹⁷ Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Iburu 13:17 ပူးပေါင်းရင်းမြစ်များ

Luka 16:2

Iago valeke vavagado ne i koru va keba valeke ne mana i sine ne, ‘Avigo tane pata qa gata go era saumu aro? Ono karo vatotoloṉo lupo de igogo zazao na osina pataro qo zazu bana nego, tanego ninidena aro iki torago to kaega tono kenaqa ne miasoka na patapata ro rera.’

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Leta Ia Pol I Karo Ne Qira Basoero Na Rom 14:12

Iago ita osiqita tatana sine vasadaka ne God osina pataro qata zazu ne go.

Kameka Korinti 16:16

Qa pene qamu vakitaka ro era, muna lulua vatovato velaka iri zazu ne go basoero gere qira ria de, mana basoero iri zazu tavisi qira go.

Epesus 5:21

Loborona vabatu ramu de ikoego Kristo, ramu muna vari vamazalae napu tanuqamu.

Pilipae 1:4

Osina ṉalu qa pene ne qamu, qa pene e loborona kulakula,

Pilipae 2:12

Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.

Pilipae 2:16

mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Pilipae 2:29

Kula ṉalu qamu miasoba ia, tanego Epaparoditus i vakitaka ita loborona Batu ne. Muna vasadaka ze padapada de iri koego kero ne basoero iri gere go ia,

Pilipae 3:18

Qa sine bana ne qamu topuna ṉalu pataro dena mana ninidena i sone to mataqu qa sine patu napua, iko topu ria basoero iri kana ze too ria vaogoto na le i vaego Jesu koluse ne.

Pilipae 4:1

Iago turaquroe, era qa soko qamu mana qa lete nanao qamu, gerena, de go qamu vakula va era, mana vazakanapu era sauqamu ramu, iago turaquro era qa nanao ramu muna degere vanadu loborona too ramu de ikoego Batu ne.

Karua Tesalonika 3:14

Kadigo kakia basoe ikoe nae, tina kasi na luluna seko qimu karo ze go remu, leta qimu vagaretu ne qamu go nae. Ṉalu igogo nae ramu muna mia rove mana kasi gata gabu ne na vatovato ianae, go mara agava ne tanuna vatovato ianae.

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Iburu 13:24

Teke ne seko kula remu de iri koego basoero kena kenaqa ramu, mana osiqira basoero ia God go. Sine ne qira, vano lotu iri koego Itali iri sine me seko kula ria de qamu koego.

Iburu 13:7

Nanao taru qira ria iri kenaqa bana ne qamu go, iri tarama ne go seko ia God de qamu koego. Nanao ule zaqe de go koko ria go iri le go, muna lulua too ria, iri vasadake vaogoto ria de ikoego God.

Jemisi 4:7

Iago muna vaqoqore tanuqamu, mana toqe ne ze God too ramu. Muna varitarae de ikoe Satana go mara paqa kasi ne qamu.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”