Iburu 13:14 - Vato Vari Vakameka Voru Ia Batu Ne

¹⁴ Loborona vudu pua dena, i kaega kaki komala lavata tina ko sivala, go tatana koego, do ita qata soko dokae na komala lavata tinara lama go.

Iburu 13:14 ပူးပေါင်းရင်းမြစ်များ

Kameka Korinti 7:29

Vakitaka ro era, iato dena talupasana pata qa sine go, ṉalu iara ko go, iki loda to kaega, mana ninidena valeke ro busi, mara ria ko gere iriki busi go kaega,

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Epesus 2:19

Iago, ramu vano qamuki Jiu go kaega qamuki basoe kakavata to kaega. Pasi dena ramu qamu basoero tavine tavise to sinaqe basoero ia God, mana ramu qamu lama kameka tatamanae de ikoego God go.

Pilipae 3:20

Do ita qata basoero na rani ne, mana qata piri ne ia tina bauru ne qita. Batu ita Jesu Kristo, tina za qoqoro me rani ne.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Iburu 12:22

Do ramu, qamu doka banae to kubolo Zaion, mana komala lavata ia God i too go, Jerusalema ikoego rani ne, de iri koego mao ria aqeloro.

Iburu 12:27

Seko i sine go God igo, “Kaki ṉalu napu” i vasadake pataro i vazaria go tina vizua mana pala vazikia go, ba pataro i makuru go va vizuna tina ko so.

Iburu 2:5

God iki taru qirae kaega aqelo ro tarina kenaqa ne kolabana pua voru tinara lama go, iato kolabana pua qata seko nego dena.

Iburu 4:9

Iato go ita qata rove, basoero ia God tarina mazala palana ziṉo igogo ne de ikoego God, gere so tanuna God i ziṉo go vavituna musaqara.

Iburu 9:11

Do Kristo ilama bana gere na batu Patere, ia i pala me pata velaka ro ikoego de. Ia i keba bana za kova i lete tabo sivala go, i sivala ne ke bana ne, iato go i meno meno go, basoe iki zazu ne kaega pade dena, tanego vazari i vae nego God kolabana pua ne, pade dena iki va zari palu me kaega.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.