Iburu 12:27 - Vato Vari Vakameka Voru Ia Batu Ne

²⁷ Seko i sine go God igo, “Kaki ṉalu napu” i vasadake pataro i vazaria go tina vizua mana pala vazikia go, ba pataro i makuru go va vizuna tina ko so.

Iburu 12:27 ပူးပေါင်းရင်းမြစ်များ

Matiu 24:35

Rani mana pua dena tina lupo, do osina seko ro era tiniki rove kaega lupo.”

Leta Ia Pol I Karo Ne Qira Basoero Na Rom 8:19

Osina pataro i vazari bana mego God iri lene piri nena ṉalu God tina vasadaka mego ake ria bana tane iri salero iago.

Leta Ia Pol I Karo Ne Qira Basoero Na Rom 8:21

Mana pataro nae kaki kameka ṉalu God tinara lukasa qirae karaputa ia pata i vasakata qira go, mana ria tarina pala tavise menomeno na too kulakula ria salero ia God rani ne.

Kameka Korinti 7:31

ria iri vazazua go patana ro pua dena, mara ko gere iriki riqo ne kaega. Tanego kolabana pua qamu mia go dena tiniki ko vaumata kaega.

Iburu 1:10

I sine napua, “Batu, kokoso vatupiana me qo vazari me vudu pua, mana karisimu tanumu qo zazu ne rani ne.

Iburu 13:14

Loborona vudu pua dena, i kaega kaki komala lavata tina ko sivala, go tatana koego, do ita qata soko dokae na komala lavata tinara lama go.

Iburu 9:11

Do Kristo ilama bana gere na batu Patere, ia i pala me pata velaka ro ikoego de. Ia i keba bana za kova i lete tabo sivala go, i sivala ne ke bana ne, iato go i meno meno go, basoe iki zazu ne kaega pade dena, tanego vazari i vae nego God kolabana pua ne, pade dena iki va zari palu me kaega.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 21:1

Taramuzina pataro dena qa mia kameka rani mana vudu pua voru, rani mana vudu pua kenaqa ne iru kaega zato. Masi ne do i kaega napu to go.

Revaleson 21:4

Ia tina qulasa vakadale sone na mataqira. Kaega napu ka basoe tinara za le ba maqata ba dae mana vokara go. Tanego osina pata bana ro i kaega lupo to.”

Revaleson 21:5

Gonae ia i kolokue go de kolokoloku batubatu ne igo dena, “Era qa va vorua to osina pata,” mana i sine napua, “Ono karo pataro dena, tanego sekoro dena i ogoto mana taru ze ruruqe aro go.”