Iburu 12:25 - Vato Vari Vakameka Voru Ia Batu Ne

²⁵ Iago muna miasoka, muniki kasia gata na seko ia God, ria iri kasia go gata na seko ireqe me de ikoego God, i makuru tarinara paqa go. Iago, avigo tatana paqa ne go lepulepu, ṉalu qata tabali kakamu ne ia, ṉalu i seko me tepa rani na?

Iburu 12:25 ပူးပေါင်းရင်းမြစ်များ

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 8:4

Jesu i sine ne valeke ne, “Oniki va gata ze kaki basoe, do ono za totoloṉe so dekoe patere go mara toere go. Mana ono zazu ne sosovolomo i sine bana go Mosese, go basoero ne tarina vaogoti go aro qo velaka to.”

Zazu Ria Apostoloro 7:35

Mosese iato iri sine bana go vano Izirel, ‘Akena tane i vine go aro tono vivine mana vatovato ego de qi koego remu?’ iri tana ne. Iato valeke God i vine mana i turine go tina vatovato ne qira basoero ne, mana tina vatalupasa qirae Izipito, mana aqelo i sadaka ze go ia moki i subi go, tina tavisi ne ia.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Karua Timoti 4:4

Tarina tabali kakavata ne gatana pata ni ogoto go, mana tarina vavaroṉo no velaka ne gata na pepeu volovolomo ro go.

Iburu 1:1

Ṉalu bana ne, God i seko tabe qira vano ṉalu bana ro ita topu na ṉalu, loborona topu na dia de iri koego propeta ro ne.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 12:19

vari vaiqi na kuvili, mana naki na kaki ovaṉa go. Ṉalu basoero ne iri gata ovaṉa ne, iri pene, iriki ara soko napua to kaega gata na.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 3:17

God i muma ne qira ake ria torana vasiṉaulu ave na? Ria to basoero iri vasakata pata go iri soru mana le loborona de ulana ne.

Iburu 8:5

Zazu iri zazu nego patere ro i dudulena so pataro i zazu ego rani ne. I gere napua so de i koe Mosese, ṉalu God i sine ne Mosese dego zazu na pade iri pala zaza ne go, ia igo, “Ono mia velake zazu tono vae nego, ono valulu velaka ze so de qa va mia goe era popokona kubolo ne.”

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”