Iburu 12:15 - Vato Vari Vakameka Voru Ia Batu Ne

¹⁵ Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Iburu 12:15 ပူးပေါင်းရင်းမြစ်များ

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Kameka Korinti 10:12

Ka basoe i nanao i degere vanadu igogo ina miasoka, niki go za soru.

Kameka Korinti 13:8

Mamaligara iki rove kaega lupo. Do karaputa na sine vasadake na tarama ia God, tina za lupo, mana karaputa na seko nena seko kakavata ro tina za lupo, mana karaputa na nanao rove na pata, gogo ne, tina za lupo napu go.

Kameka Korinti 15:33

Miasoka iri niki go poqe qamue seko dena, “Ṉalu qata kameka zazu tavisi qira vano sakata, iri mazala vasakate na vatovato velaka ita.”

Kameka Korinti 5:6

Iki tora kaega ramu tamuna vazaka napu! Qamu rove seko vapadapada igo, “Desuka so isti iva keba go palava robe ne”.

Karua Korinti 13:5

Muna pada ne tanuqamu mana toere too ramu, go tamuna rove qamu vano vaogoto. Kadigo qamu rove Jesu Kristo ikoe loboro qamu? Ṉalu go qamuki rove go kaega ogoto sivala ramu ramu qamuki moqere to kaega varivose dena.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Qalesia 2:13

Mana kero ne vano Jiu iri vaogoto go iri koego komala dena, iri lulu napua so de igogo Pita. Iago Banabasi do ilulu napua so de igogo kebu riria dena.

Qalesia 5:4

Ramu qamu pada ne vatotoloṉo zena tanuqamu de ikoego God go qamu lulua go Tamana. Iago ramu qamu vakuziki ne ze tanuqamu de ikoego Kristo, mana qamu vanane to Mana ia God.

Epesus 5:3

Ramu qamu basoero ogoto ia to God, iago iki tora kaega ramu muna poro pepeua go pata sakataro gerena, varivagabu ba zazu nena vatovato iri gere go too ria pata qaraqara ro, mana sokona pala na patapata ro ria basoero ne.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 4:1

Aria pui i teke qita go God, tatara ziṉo ego de ikoego ia, iara ko taru so. Iago ita mata miasoka velake, niki go kakia ramu za dokae kaega de i pui bana ne go God.

Iburu 4:11

Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Karua Pita 1:10

Vakitaka ro era, God i vine mana i koru bana qamu go, qamu ke ia tanuna. Iago muna lete zazu vakaraputa go tamuna vanadua go vine mana koru ia God de qamu koego. Ṉalu qamu va voto pataro nae, i makuru napu tamunara soba makuru go.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Karua Jon 1:8

Iago, muna miasoka napua tanuqamu, niki go ramu vana ne zazu vokora ramu. Do pata itora go, ramu muna pala lupo voli qamu i vanama bana go God.