Iburu 12:14 - Vato Vari Vakameka Voru Ia Batu Ne

¹⁴ Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 12:14 ပူးပေါင်းရင်းမြစ်များ

Maka 9:50

Keno i pata velaka, do ṉalu i kaega go gagaemana na, i makuru go tono ara va velake go. Iago, vazaria keno na loborona ko varikitaki ramu, go tamuna ko bule osina ṉalu.”

Luka 1:75

Go tatana tabo mana totoloṉoe tarakenaqa na ia, osina to musaqara loborona too ita.

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 14:19

Iago ala ita, mata pada ne pata tina tavisi ne qita go tatana koego bule mana go tatana vari vatatavisi ne go vakarapata na vaogoto ita go.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Kameka Korinti 1:10

Loborona karaputa ia Batu ita Jesu Kristo, era qa pene qamu ramu vakitaka ro era, muna toqe ne pata qamu vari sine ne, go tina kaega go vari vatavotae loboro qamu. Ko vari vakameka ogoto, kameka nanao, mana kameka vato go.

Kameka Korinti 13:12

Ninidena ita qata rove so desuka de igogo God, i gere so qata reṉa e sirosiro iki lete sadaka vavelaka go kaega, do ṉalu tinara lama go, tatana mia osina pata totoloṉo de koe matana God, ṉalu nae to ita tatana ra rove go osina ro pata, gere God i rove go osina de qata gogo ita.

Karua Korinti 6:17

Iago Batu ne igo, “Taru qira mana ko vakakavata e de iri koego. Muniki zazu tavisi pataro iki dalo go kaega, go era tuna kula ne qamu.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 3:21

Iago Tamana ivae pui ro ia God ba? Kaega! Tanego ṉalu tara pala bana mego vano basoe, kameka Tamana, de ikoego God imazala go valame na too ogoto, ṉalu nae ne osina basoe tara ko totoloṉoe de ikoego God, sauna luluna Tamana ia.

Epesus 5:5

Qamu rove bana ramu, basoero iri varivagabu go mana zazu ne pata sakata ro napu gogo ne, basoero nae i kaega ne qira ka de koko too de ikoego vari miasoka ia Kristo mana God go. Gere napu qira so vano iri qora ne patapata ro ria basoero ne. Basoe igogo nae too ia, i vazaka god poqepoqe.

Pilipae 3:12

Muniki nanao ramu, era qa va lupo bana osina pata, qa velaka ba totoloṉo bana. Do Kristo i pala taru ava era, iago era qara teteṉe so, mana qa lete pada ne tuna za doka ego lala ne.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Kameka Tesalonika 4:7

God iki koru bana qitae kaega ita, too na varivagabu ba taunata. Do ia i koru qita ita tatana va tabo too ita.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Kameka Timoti 6:11

Do aro qo basoe ia God, pataro nae oniki zazu ne, do ono pada ne zazu na pataro i totoloṉe go tarakenaqana God. Ono ko vanadu gere basoe lotu ogoto mana vanadua vaogoto aro go. Ṉalu na makuru, ono karaputa, mana ono mamaligara mana va velaka ne qira basoero go.

Karua Timoti 2:22

Oniki lulua too mana vatovato sakata ria vano voru, do ono ko vona qira basoero i totoloṉo go nanaoqira mana iri vamazale Batu ne. Ono pada ne vasadake na too totoloṉo, vakaraputa na vaogoto, vari mamaligarae mana vakapo ne qira basoero ne go.

Iburu 12:10

Ria Tamaqita ro iri koego vudu pua ne iri vatotoloṉo qita so ṉalu pusi, tanego iri lulua so nanao qira, do God ni vatotoloṉo qita go, i tavisi qita go tatana ko tabo gere na tanuna.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Kameka Pita 3:11

Mara vana ne vatovato sakata ia mana zazu ne pata velaka, mara taru ze de ikoego tanuna mana de iri koego basoero ne go.

Kameka Pita 3:13

Akena tina va sakata qamu go ramu, ṉalu qamu le nego zazu ne na pata ni velaka go na?

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.